କଣ୍ଟାବାଞ୍ଜି, (ବାଘୁଆବାର୍ତ୍ତା): ମାଲବାହୀ ଟ୍ରେନରୁ ପଡି ଯୁବକ ମୃତ । ବଲାଙ୍ଗୀର ଜିଲ୍ଲା ତୁରକେଲା ବ୍ଲକର ଜଣେ ଯୁବକ ମାଲବାହୀ ଟ୍ରେନରୁ ପଡି ମୃତ୍ୟୁବରଣ କରିଛନ୍ତି । ତୁରେକେଲା ବ୍ଲକ ବରଲା ଗ୍ରାମର ଗୁର ବାଗ(୪୫) ବୁଧବାର ସନ୍ଧ୍ୟାରେ କଣ୍ଟାବାଞ୍ଜି ରେଳ ଷ୍ଟେସନ ନିକଟ ରେଳ ଧାରଣା କଡରେ ମୁର୍ମୂଷୁ ଅବସ୍ଥାରେ ପଡ଼ିଥିଲେ । ଏହା ଦେଖି ଜଣେ ରେଳ କର୍ମଚାରୀ ଆରପି ଏଫ ଓ ପୋଲିସକୁ ଖବର ଦେଇଥିଲେ । ପୋଲିସ ଖବର ପାଇ ଘଟଣା ସ୍ଥଳରୁ ଉକ୍ତ ଯୁବକଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରିଥିଲା । କିନ୍ତୁ ଗୁରୁବାର ସକାଳେ ଡାକ୍ତରଖାନାରେ ଯୁବକଙ୍କ ମୃତ୍ୟୁ ହୋଇଯାଇଛି । ଯୁବକଜଣଙ୍କ ଶ୍ୱଶୁର ଘରେ କିଛି ଦିନ ହେଲା ରହୁଥିଲେ । ବୁଧବାର ସେ ନିଶାସକ୍ତ ଅବସ୍ଥାରେ ଏକ ମାଲଵାହୀ ଟ୍ରେନରେ ଚଢିବାକୁ ପ୍ରୟାସ କରିଥିବା ବେଳେ ଗୋଡ଼ ଖସିଯାଇ ତଳେ କଚାଡି ହୋଇ ପଡ଼ି ଯାଇଥିଲେ। ଫଳରେ ତାଙ୍କ ଡାହାଣ ଗୋଡ଼ ଭାଙ୍ଗିଯିବା ସହ ଦେହରେଆଘାତ ଲାଗିଥିଲା । ମୃତ୍ୟୁ ଖବର ପାଇ ତାଙ୍କ ପରିବାର ବର୍ଗ ଡାକ୍ତରଖାନାକୁ ଆସି ମୃତଦେହ ଚିହ୍ନଟ କରିବା ପରେ ପୋଲିସ ପକ୍ଷରୁ ଅଧିକ ତଦନ୍ତ ଜାରି ରହିଛି ।
