ନୂଆଦିଲ୍ଲୀ,(ବାଘୁଆବାର୍ତ୍ତା): କୋଭିଡ୍-୧୯ ସମୟରେ ଦେଶରେ ଆର୍ଥିକ ମାନ୍ଦାବସ୍ଥା ଦେଖା ଦେଇଛି । ଯାହା ଫଳରେ ଲୋକଙ୍କ ଆୟ ମଧ୍ୟ କମିଛି । ଅନ୍ୟପଟେ ଟ୍ରେନରେ ଯାତ୍ରା କରିବା ମହଙ୍ଗା ହେବା ପରେ ଯାତ୍ରୀଙ୍କ ବଜେଟ୍ ଆହୁରି ବିଗିଡିପାରେ । ଭାରତୀୟ ରେଲୱେ ଖୁବ୍ ଶୀଘ୍ର ସେହି ରାଜଧାନୀ ଟ୍ରେନର ଭଡା ବଢାଇବ ଯେଉଁଥିରେ ମର୍ଡନ କୋଟ୍ ଲଗାଯାଇଛି । ରେଲୱେର ଏହି ନିଷ୍ପତି ପରେ ସାଧାରଣ ନାଗରିକଙ୍କୁ ଝଟକା ଲାଗିପାରେ କାରଣ ଏବେ ସେମାନଙ୍କୁ ରାଜଧାନୀ ଟ୍ରେନରେ ଯିବା ଆସିବା ପାଇଁ ଅଧିକ ଭଡା ଦେବାକୁ ପଡିବ । ନିକଟରେ ରେଲୱେ ତରଫରୁ ଦିଲ୍ଲୀ-ଅଗରତଲା ତେଜସ-ରାଜଧାନୀ ଟ୍ରେନର ବେସ୍ ଫେୟାରରେ ୫ ପ୍ରତିଶତ ବୃଦ୍ଧି କରାଯାଇଛି । ଟିଓଆଇର ରିପୋର୍ଟ ଅନୁସାରେ ଆଗାମୀ ସମୟରେ ଯେବେ ସମସ୍ତ ରାଜଧାନୀ ଟ୍ରେନ ତେଜସ୍ ଟ୍ରେନରେ ପରିବର୍ତ୍ତନ ହୋଇଯିବ ସେବେ ଏହାର ଭଡାରେ ଅଧିକ ବୃଦ୍ଧି ଦେଖିବାକୁ ମିଳିପାରେ । ଯେଉଁଭଳି ତେଜସ୍ କୋଚରେ ଅଟୋମେଟିତ୍ ଡୋରଠୁ ଆରମ୍ଭ କରି ବାୟୋଭାକ୍ୟୁମ ଟୟଲେଟ୍, ଚାର୍ଜିଂ ପଏଣ୍ଟ ଓ ରିଡିଂ ଲାଇଟ୍ସ ଭଳି ସୁବିଧା ମିଳେ ଠିକେ ସେହିଭଳି ରାଜଧାନୀ ଟ୍ରେନରେ ମଧ୍ୟ ସେମିତି ହିଁ ସୁବିଧା ଯୋଗାଇହେବ । ଅଧିକାଂଶ ରାଜଧାନୀ ଟ୍ରେନରେ ତେଜସର କୋଚ୍ ଲଗାଯିବ । ଏଥିପାଇଁ ତେଜସ୍ ଭଳି ପ୍ରାୟ ୫୦୦ ସ୍ଲିପର କୋଚ୍ ଇଣ୍ଟିଗ୍ରଲ୍ କୋଚ୍ ଫ୍ୟାକ୍ଟ୍ରି ଓ ମର୍ଡନ କୋଚ୍ ଫ୍ୟାକ୍ଟ୍ରି ପ୍ରସ୍ତୁତ କରାଯିବ । ଏହି କାମ ୨୦୨୧-୨୨ ମଧ୍ୟରେ ପୁରା କରାଯିବ । ଏନେଇ ଭାରତୀୟ ରେଲୱେ ଫେବୃୟାରୀରେ ସୂଚନା ଦେଇଥିଲା ।
