ଲମତାପୁଟ, (ବାଘୁଆବାର୍ତ୍ତା): ୯ ଲକ୍ଷ ଟଙ୍କାର ଗଞ୍ଜେଇ ବୋଝେଇ କାର ଜବତ ମାଫିଆ ଫେରାର । ଜାଲାପୁଟ ଅଞ୍ଚଳରୁ ବାହାର ରାଜ୍ୟକୁ ଗଞ୍ଜେଇ ଚୋରା ଚାଲାଣ ବେଳେ ମାଡ଼ିବସିଲା ଲମତାପୁଟ ପୋଲିସ । ବିଶେଷ ସୂତ୍ରରୁ ଖବର ପାଇ ଲମତାପୁଟ ପୋଲିସ କଡ୍ରି ଗ୍ରାମରେ ନାକା ବନ୍ଦୀ କରିଥିଲା । ଦ୍ରୁତ ଗତିରେ ଆସୁଥିବା କାର ଅଟକାଇବାରୁ ବ୍ୟାରିକେଡ୍ ଭାଙ୍ଗି ଫେରାର ହୋଇଯାଇଥିଲା । ପୋଲିସ ପିଛା କରିବା ଦେଖି ଲିମାପୁଟ ଗ୍ରାମ ନିକଟ ଜଙ୍ଗଲ ପାଖରେ ଗାଡି ଛାଡି ଚମ୍ପଟ ମାରିଥିଲା ଡ୍ରାଇଭର । ପୋଲିସ ଗାଡିକୁ ଯାଞ୍ଚ କରିବାରୁ ପ୍ରାୟ ୯୦ କେଜି ଗଞ୍ଜେଇ ବାହାରି ଥିଲା । ଏହି ଗଞ୍ଜେଇର ମୂଲ୍ୟ ୯ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଗାଡିର ନମ୍ୱରକୁ ଆଧାର କରି ଗାଡି ମାଲିକ ନାମରେ NDPS ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ଲମତାପୁଟ ପୋଲିସ ।





