ଭୁବନେଶ୍ୱର, (ବାଘୁଆବାର୍ତ୍ତା): ଜେଲ ଭିତରେ ଚାଲିଥିଲା ଭୋଜିର ମସ୍ତି । ପ୍ରତିଦିନ କଏଦୀଙ୍କ ମଧ୍ୟରେ ଜମୁଥିଲା ଭୋଜି ଭାତର ଆସର । ଆଉ ଏଥିରେ ସହାୟତା କରୁଥିଲେ ଜେଲର କିଛି କର୍ମଚାରୀ । ଏଭଳି ଘଟଣା ଦେଖିବାକୁ ମିଳିଛି ଜୟପୁର ଉପକାରାଗାରରେ । ସୂଚନାନୁସାରେ, ଜୟପୁର ଉପକାରାଗରରେ କଏଦୀ ମାନଙ୍କର ଭୋଜିଭାତର ଆସର ଜମୁଥିବାବେଳେ ଏଥିରେ ଜେଲ୍ର କର୍ମଚାରୀମାନେ ସହଯୋଗ କରୁଥିବା ନେଇ ଅଭିଯୋଗ ହୋଇଥିଲା । ଅଭିଯୋଗକୁ ଭିତି କରି କୋରାପୁଟ ଏସପିଙ୍କ ନେତୃତ୍ୱରେ ଜୟପୁର ଉପଜିଲ୍ଲାପାଳଙ୍କ ସମେତ ଏକ ଟିମ୍ ଆଜି ଭୋର ୪ଟା ସମୟରେ ଚଢ଼ାଉ କରିଥିଲେ । ଏହି ସମୟରେ କଏଦୀଙ୍କ ଠାରୁ ନଗଦ ୧୮ ହଜାର ଟଙ୍କା ସହ ଗୋଟିଏ ମୋବାଇଲ ଫୋନ, ଅନେକ ରୋଶେଇ ଉପକରଣ ଓ ବ୍ୟାୟାମ ଉପକରଣ ଜବତ କରାଯାଇଛି । ତେବେ ଏନେଇ କାର୍ଯ୍ୟାନୁଷ୍ଠାନ ପାଇଁ ଉଚ୍ଚ କତ୍ତୃପକ୍ଷଙ୍କୁ ରିପୋର୍ଟ ଦିଆଯିବ ବୋଲି କୋରାପୁଟ ଏସପି କହିଛନ୍ତି ।
