ରାହୁଲ ହେବେ କି କଂଗ୍ରେସ୍ ଅଧ୍ୟକ୍ଷ !

ନୂଆଦିଲ୍ଲୀ,(ବାଘୁଆବା ।ର୍): ଲୋକସଭା ନିର୍ବାଚନରେ ପରାଜୟ ପରେ ପରେ ରାହୁଲ ଗାନ୍ଧି ଅଧ୍ୟକ୍ଷ ପଦରୁ ଇସ୍ତପା ଦେଇଥିଲେ । କଂଗ୍ରେସ କାର୍ଯ୍ୟସମିତି ତାଙ୍କ ଇସ୍ତପାକୁ ଗ୍ରହଣ କରି ସୋନିଆ ଗାନ୍ଧିଙ୍କୁ ଅନ୍ତରୀଣ ଅଧ୍ୟକ୍ଷର ଦାୟୀତ୍ୱ ପ୍ରଦାନ କରାଯାଇଥିଲା । ଦଳର ଅଧିକାଂଶ ସଦସ୍ୟ ରାହୁଲ ଗାନ୍ଧିକୁ ପୁଣି ଥରେ ଅଧ୍ୟକ୍ଷ କରିବାକୁ ଦାବି କରୁଥିବା ନେଇ ଚର୍ଚ୍ଚା ହେଉଛି । ତେବେ ଏହି ଚର୍ଚ୍ଚାରେ ପୂର୍ଣ୍ଣଛେଦ ପଡିବାର ସମୟ ଆସିଛି । ତେଣୁ ଏନେଇ ଜାନୁୟାରୀ ୨୨ତାରିଖରେ କଂଗ୍ରେସ କାର୍ଯ୍ୟସମିତି ବୈଠକ ଡକାଯାଇଛି । ଉକ୍ତ ବୈଠକରେ କଂଗ୍ରେସର ଅଧ୍ୟକ୍ଷ ପଦ ନିର୍ବାଚନ ପ୍ରକ୍ରିୟା ଏବଂ କାର୍ଯ୍ୟକ୍ରମ ଉପରେ ଆଲୋଚନା ହେବ ଏବଂ କୃଷକ ଆନ୍ଦୋଳନ, ସଂସଦର ବଜେଟ୍ ଅଧିବେଶନ ନେଇ ରଣନୀତି ପ୍ରସ୍ତୁତି କରାଯିବ ବୋଲି ଚର୍ଚ୍ଚା ହେଉଛି । ଜଣେ ବରିଷ୍ଠ କଂଗ୍ରେସ ନେତାଙ୍କ କହିବା ଅନୁସାରେ, ଏହା ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବ । ଏହି ବୈଠକରେ ସିଡବ୍ଲ୍ୟୁସିର ଅଧ୍ୟକ୍ଷ ପଦ ନିର୍ବାଚନ କାର୍ଯ୍ୟକ୍ରମ ଉପରେ ମୋହର ଲଗାଇବା ପରେ, କେବେ ଏବଂ କେଉଁ ଦିନ ସିଡବ୍ଲ୍ୟୁସିର ନିର୍ବାଚନ ହେବ, ତାହାର ତାରିଖ ଘୋଷଣା ହୋଇପାରେ ବୋଲି ସୂଚନା ମିଳିଛି ।