ପ୍ୟାରିସ୍ ଫ୍ୟାଶନ୍‌ ୱିକ୍‌ରେ ଜଲୱା ଦେଖାଇଲେ ଐଶ୍ଵର୍ଯ୍ୟା

ମୁମ୍ଵାଇ, (ବାଘୁଆବାର୍ତ୍ତା): ବଲିଉଡ ଅଭିନେତ୍ରୀ ତଥା ପୂର୍ବତନ ମିସ୍ ୱାର୍ଲ୍ଡ ଐଶ୍ୱର୍ଯ୍ୟା ରାୟ ବଚ୍ଚନ । ବର୍ତ୍ତମାନ ସେ ପ୍ୟାରିସରେ ଅଛନ୍ତି। ‘ପ୍ୟାରିସ୍ ଫ୍ୟାଶନ ୱିକ୍‌’ର’ ଲ’ଅରିଆଲ୍ ‘ଶୋ’ରେ ଭାଗ ନେଇଛନ୍ତି । ତାଙ୍କ ଝିଅ ଆରାଧ୍ୟା ବଚ୍ଚନ ମଧ୍ୟ ଯାଇଛନ୍ତି। ‘L’Oreal’ ର ଭାରତୀୟ ଆମ୍ଵାସାଡର ହୋଇ ଐଶ୍ୱର୍ଯ୍ୟା ପ୍ରତିବର୍ଷ ଏହି କାର୍ଯ୍ୟକ୍ରମର ଏକ ଅଂଶ ହୁଅନ୍ତି । ଗତକାଲି ଏହି ଇଭେଣ୍ଟରୁ ଅଭିନେତ୍ରୀଙ୍କ ଅନେକ ଫଟୋ ପ୍ରକାଶ ପାଇଥିଲା। ବର୍ତ୍ତମାନ ଅଭିନେତ୍ରୀ ପ୍ୟାରିସ୍ ଫ୍ୟାଶନ ୱିକ୍‌ରେ L’Oreal ପାଇଁ ରାମ୍ପରେ ଚାଲିଛନ୍ତି। ସୋସିଆଲ ମିଡିଆରେ ଏହାର ଅନେକ ଭିଡିଓ ସାମ୍ନାକୁ ଆସିଛି। ଭିଡିଓରେ ଅଭିନେତ୍ରୀ ଏକ ଗୋଲ୍ଡେନ୍‌ ରଙ୍ଗର ଶିମିରି ଗାଉନରେ ବହୁତ ସୁନ୍ଦର ଦେଖାଯାଉଛନ୍ତି। ଫ୍ୟାଶନ୍ ସୋ’ରେ ଐଶ୍ୱର୍ଯ୍ୟା ତାଙ୍କ ଗ୍ଲାମରସ୍ ଗାଉନ୍ ସହିତ ଖୋଲା କେଶରେ ବହୁତ ସୁନ୍ଦର ଦେଖାଯାଉଥିଲେ। ଅଭିନେତ୍ରୀ ନିଜେ ମଞ୍ଚରୁ ଫ୍ଲାଇଙ୍ଗ କିସ୍ ଦେଇ ପ୍ରଶଂସକଙ୍କ ହୃଦୟ ଜିତିଛନ୍ତି। ତାଙ୍କର ଏହି ଲୁକ୍ ସୋସିଆଲ୍ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ପ୍ରଶଂସକମାନେ ତାଙ୍କ ବିଶେଷ ଲୁକକୁ ବହୁତ ପ୍ରଶଂସା କରୁଛନ୍ତି । କହିବାକୁ ଗଲେ ଏଥର ବଚ୍ଚନ ପରିବାରର ଜଣେ ନୁହେଁ ଦୁଇଜଣ ସଦସ୍ୟ ଏହି ଇଭେଣ୍ଟର ଅଂଶ ହୋଇଛନ୍ତି। ଅମିତାଭଙ୍କ ନାତୁଣୀ ନବ୍ୟା ନାବେଲି ନନ୍ଦା ମଧ୍ୟ ‘ପ୍ୟାରିସ ଫ୍ୟାଶନ ୱିକ୍‌’ରେ ଡେବ୍ୟୁ କରିଥିଲେ। ଗତକାଲି ନବ୍ୟା ନିଜ ଇନଷ୍ଟାଗ୍ରାମ ଆକାଉଣ୍ଟରେ ପ୍ୟାରିସରୁ କିଛି ଫଟୋ ସେୟାର କରିଥିଲେ।