ପୁରୀ, (ବାଘୁଆବାର୍ତ୍ତା): ବିଜେଡି ନେତା ସୋମନାଥ ସାହୁଙ୍କୁ ହତ୍ୟା ଉଦ୍ୟମ ଘଟଣା । କୁମ୍ଭାରପଡ଼ା ପୁଲିସ ପକ୍ଷରୁ ଅଭିଯୁକ୍ତକୁ ଗିରଫ ନେଇ ଏସପିଙ୍କ ସମ୍ମିଳନୀ କକ୍ଷରେ ଏକ ସାମ୍ବାଦିକ ସମ୍ମିଳନୀରେ ସିଟି ଡିଏସପି ଗଣମାଧ୍ୟମଙ୍କୁ ସୂଚନା ଦେଇଛନ୍ତି । ଅଭିଯୁକ୍ତମାନେ ଶ୍ୟାମ ଶଙ୍କର ପ୍ରଧାନ, ସୁନୀଲ କୁମାର ପ୍ରଧାନ, ଚନ୍ଦ୍ରକାନ୍ତ ଜେନା ବୋଲି ଜଣାପଡ଼ିଛି । ଅନୁସନ୍ଧାନରୁ ଜଣାପଡ଼ିଛି ଯେ, ଜୁଲାଇ ୨୬ ତାରିଖ ସନ୍ଧ୍ୟା ପ୍ରାୟ ୬ଟା ୧୫ରେ ଅଭିଯୁକ୍ତ ଶ୍ୟାମ ଶଙ୍କର ପ୍ରଧାନ ଏବଂ ସିଦ୍ଧୁ ସୁନୀଲ କୁମାର ପ୍ରଧାନ, ସୋମନାଥ ସାହୁଙ୍କୁ ଏକାକୀ ରେଡ୍କ୍ରସ୍ ରୋଡ୍ ନିକଟରେ ଅବସ୍ଥିତ ତାଙ୍କ ଗୋଦାମ ଅଫିସରେ ପ୍ରବେଶ କରି ଆକ୍ରମଣ କରିଥିଲେ । ଫଳରେ ପୀଡ଼ିତଙ୍କ ମୁଣ୍ଡରେ ଏକାଧିକ ରକ୍ତସ୍ରାବ ହୋଇଥିଲା । ଘଟଣା ପରେ ଖୁବ୍ଶୀଘ୍ର ଅଭିଯୁକ୍ତମାନେ ଖସି ଯିବାକୁ ସଫଳ ହୋଇଥିଲେ । ସେମାନେ ରାଜ୍ୟ ବାହାରକୁ ଯିବାକୁ ଯୋଜନା କରୁଥିଲେ । କୁମ୍ଭାରପଡ଼ା ପୁଲିସ ସହ ସ୍ୱତନ୍ତ୍ର ପୁଲିସ୍ ଟିମ୍ ଅନୁଧ୍ୟାନ କରି ସେମାନଙ୍କୁ ଗିରଫ କରିବାରେ ସଫଳ ହୋଇଥିଲେ । ପୀଡ଼ିତ ଏବଂ ଅଭିଯୁକ୍ତଙ୍କ ମଧ୍ୟରେ ପୂର୍ବ ଶତ୍ରୁତା ଆକ୍ରମଣର ଉଦ୍ଦେଶ୍ୟ ବୋଲି ଅନୁମାନ କରାଯାଉଛି । ତେବେ ଉଦ୍ଦେଶ୍ୟର ସବିଶେଷ ତଥ୍ୟ ଅନୁସନ୍ଧାନ କରାଯାଉଛି ଏବଂ ଅଧିକ ଅନୁସନ୍ଧାନ ଚାଲିଛି । ଅଧିକ ତଦନ୍ତ ପାଇଁ ଅଭିଯୁକ୍ତଙ୍କୁ ରିମାଣ୍ଡରେ ନିଆଯିବ । ପ୍ରମାଣ ଉପରେ ଆଧାର କରି ମାମଲାରେ ଜଡ଼ିତ ଅନ୍ୟ ଅଭିଯୁକ୍ତ ଗିରଫ ହେବାର ସମ୍ଭାବନା ଅଛି ବୋଲି ସମ୍ବାଦିକ ସମ୍ମିଳନୀରେ ସିଟି ଡିଏସପି ସୂଚନା ଦେଇଛନ୍ତି । ୪ ଅଫୁଟା ଗୁଳି ସହ ସ୍ୱୟଂଚାଳିତ ପିସ୍ତଲ, ହୋଣ୍ଡା ଆଭିଏଟର ପୁଲିସ ଜବତ କରିବା ସହ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି । ଆଜିର ସାମ୍ବାଦିକ ସମ୍ମିଳନୀରେ କୁମ୍ଭାରପଡା ଥାନା ଆଇଆଇସି ଜୟଦୀପ ମହାନ୍ତି, ପୁରୀ ଟାଉନ ଥାନା ଆଇଆଇସି ସୁନୀଲ କୁମାର ପ୍ରଧାନ ପ୍ରମୁଖ ଉପସ୍ଥିତ ରହିଥିଲେ ।





