ଭୁବନେଶ୍ୱର, (ବାଘୁଆବାର୍ତ୍ତା): ଫଟୋ ଟି ଚିହ୍ନ ଧରାଇଦେଲେ ମିଳିବ ପୁରଷ୍କାର । ଏନେଈ ଆଜି କେନ୍ଦୁଝର ପୁଲିସ୍ ଆଜି ଫଟୋ ଜାରି କରିବା ପୁରଷ୍କାର ଦେବା ପାଇଁ ଘୋଷଣା କରିଛି । ସୂଚନାନୁସାରେ, କେନ୍ଦୁଝର ବିଧାୟକ ମୋହନ ମାଜୀଙ୍କ କାର ଉପରକୁ କେହି ଦୃବୁତ ପଥର ମାଡ଼ କରି ଫେରାର ହୋଇଯାଇଥିଲା । ଦୃବୁତକୁ ଗିରଫ୍ ଦାବି ନେଇ ଥାନାରେ ଅଭିଯୋଗ ହୋଇଥିଲା । ପୁଲିସ୍ ମାମଲା ରୁଜୁ କରି ତଦନ୍ତ କରୁଥିବା ବେଳେ ବିଜେପି ଦଳ ପକ୍ଷରୁ ଆଜି କେନ୍ଦୁଝର ଗାନ୍ଧି ଛକଠାରେ ୪୯ ନମ୍ୱର ଜାତୀୟ ରାଜପଥକୁ ଅବରୋଧ କରିଥିଲେ ବିଜେପି କର୍ମୀ। ଆଉ ଏଥିରେ ସାମିଲ ହୋଇଥିଲେ ମୋହନ ମାଝୀଙ୍କ ସମେତ ବିଜେପିର ୯ ଜଣ ବିଧାୟକ। ସେମାନେ ହେଲେ- ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର, ରେଙ୍ଗାଳି ବିଧାୟକ ନାଉରି ନାଏକ, ବାରିପଦା ବିଧାୟକ ପ୍ରକାଶ ସୋରେନ, ଯଶୀପୁର ବିଧାୟକ ଗଣେଶ ରାମ ଖୁଣ୍ଟିଆ, ଦେବଗଡ଼ ବିଧାୟକ ସୁବାସ ପାଣିଗ୍ରାହୀ, ଲୁଇସିଙ୍ଗା ବିଧାୟକ ମୁକେଶ ମହାଲିଙ୍ଗ, ବଡ଼ସାହି ବିଧାୟକ ସନାତନ ବିଜୁଳି, ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ ଓ ଶାରସକଣା ବିଧାୟକ ବୁଡାନ ମୁର୍ମୁ। ଆଜି ସର୍କିଟ ହାଉସରେ ବସିଥିଲା ବୈଠକ। ଅଭିଯୁକ୍ତଙ୍କୁ ଗିରଫ କରିବା ପାଇଁ ୭ ଦିନ ସମୟ ମାଗିଲେ କେନ୍ଦୁଝର ଏସପି। ୭ ଦିନ ମଧ୍ୟରେ ଅଭିଯୁକ୍ତଙ୍କୁ ଧରିବାକୁ ପ୍ରତିଶ୍ରୁତି ଦେଇଛନ୍ତି ଏସପି। ଆଉ ଏସପିଙ୍କ ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହାର କରିଛନ୍ତି ବିଜେପି ବିଧାୟକ। ୭ ଦିନ ମଧ୍ୟରେ ଗିରଫ ନହେଲେ ରାଜ୍ୟବ୍ୟାପୀ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି ବିଜେପି ବିଧାୟକ।
