ଭଦ୍ରକ, (ବାଘୁଆବାର୍ତ୍ତା): ବିଜୁ ଜନତା ଦଳ ଛାଡିଲେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲଙ୍କ ପୁଅ ପ୍ରୟାସ କାନ୍ତି ସାମଲ। ବ୍ୟକ୍ତିଗତ କାରଣ ପାଇଁ ବିଜେଡିର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଥିବା କହିଛନ୍ତି । ୨୦୦୨ ରୁ ସେ ବିଜେଡିରେ ସାମିଲ ଥିଲେ । ୨୦୦୩ ରେ ଭଦ୍ରକ ପୌରପାଳିକାର ଅଧକ୍ଷ ଥିଲେ ପ୍ରୟାସ କାନ୍ତି ସାମଲ । ପୂର୍ବରୁ ବିଜେଡିର ରାଜ୍ୟ ସମ୍ପାଦକ ଥିଲେ ପ୍ରୟାସ କାନ୍ତି ସାମଲ । ପ୍ରୟାସ କାନ୍ତି କହିଛନ୍ତି ଯେ କୌଣସି ଦଳରେ ନ ରହି ସାଧାରଣ ଲୋକଙ୍କ ସେବା ଜାରି ରହିବ । ବର୍ତ୍ତମାନ ପାଇଁ ଅନ୍ୟ ପାର୍ଟିକୁ ଯିବା ନେଇ କୌଣସି ନିଷ୍ପତ୍ତି ନାହିଁ ବୋଲି କହିଚନ୍ତି । କିନ୍ତୁ ସମୟ କହିବ କେଉଁ ଦଳକୁ ଯିବି । ମୋର କମ ବୟସରେ ବିଜେଡି ମୋତେ ଅନେକ ସୁଯୋଗ ଦେଇଛି । ବାପା ଓ ସାନ ଭାଇ ରାଜନୀତିରେ ଅଛନ୍ତି। ଦଳ ଛାଡ଼ିବା ନେଇ ବାପା ପ୍ରଫୁଲ୍ଲ ସାମଲଙ୍କୁ ଅବଗତ କରି ନାହାନ୍ତି । କିନ୍ତୁ ବିଜେଡି ସଭାପତିଙ୍କୁ ଇସ୍ତଫା ପତ୍ର ଦେଇଛନ୍ତି ଓ ଖୁବ୍ ଶୀଘ୍ର ଏ ନେଇ ବାପାଙ୍କୁ ଜଣେଇବେ । କିନ୍ତୁ ଦଳରୁ ଅବସର ନେବା ପରେ ସେ ଲୋକଙ୍କ ପାଇଁ କାମ କରିବା ଜାରି ରଖିବେ ବୋଲି କହିଛନ୍ତି ।
