ଜଳବିଭାଜିକା ନିର୍ଦ୍ଦେଶକଙ୍କ ବିରୁଡା ଗସ୍ତ

ନୟାଗଡ଼,(ବାଘୁଆବାର୍ତ୍ତା): ରାଜ୍ୟ ସରକାରଙ୍କ ଜଳ ବିଭାଜିକା ନିର୍ଦ୍ଦେଶକ ହେମନ୍ତ କୁମାର ପଣ୍ଡା ଆଜି ବିରୁଡା ଗ୍ରାମ ପଞ୍ଚାୟତର କାର୍ଯ୍ୟ ସମୀକ୍ଷା କରିଛନ୍ତି । ପ୍ରଧାନମନ୍ତ୍ରୀ କୃଷି ସିଞ୍ଚାଇ ଯୋଜନା ମାଧ୍ୟମରେ କରାଯାଇଥିବା ଜଳ ଅମଳ ପ୍ରକଳ୍ପକୁ ଦେଖିଛନ୍ତି । ଦଶ ଲକ୍ଷ ଟଙ୍କ ବ୍ୟୟରେ କରାଯାଇଥିବା ଉକ୍ତ ପ୍ରକଳ୍ପକୁ ସମୀକ୍ଷା କରିଛନ୍ତି । ଏହି ପ୍ରକଳ୍ପକୁ ଅଧିକ ଗୁରୁତ୍ୱ ଦେବା ପାଇଁ କର୍ମଚାରୀମାନଙ୍କୁ ପରାମର୍ଶ ଦେଇଛନ୍ତି । ଏଥି ସହିତ ଏହି କାର୍ଯ୍ୟକ୍ରମରେ ସହକାରୀ ପ୍ରକଳ୍ପ ନିର୍ଦ୍ଦେଶକ ପ୍ରଦୀପ୍ତ କୁମାର ମହାନ୍ତି ପ୍ରମୁଖ ଯୋଗ ଦେଇଥିଲେ । ସ୍ଥାନୀୟ ସରପଞ୍ଚ, ସମିତିସଭ୍ୟ ଓ ଗ୍ରାମବାସୀ ସହଯୋଗ କରିଥିଲେ । ଗ୍ରାମଞ୍ଚଳରେ କୃଷି ବିକାଶ ନିମନ୍ତେ ଯେଉଁ ପ୍ରକାରର କାର୍ଯ୍ୟକ୍ରମ କରାଯିବାର ଆବଶ୍ୟକ ରହିଛି ସେଥିପାଇଁ ରାଜ୍ୟ ନିର୍ଦ୍ଦେଶକ ଗ୍ରମାବାସୀଙ୍କୁ ପରାମର୍ଶ ଦେଇଛନ୍ତି । ଆଗାମୀ ଦିନରେ ଉକ୍ତ ପଞ୍ଚାୟତରେ ଅଧିକ କାମ ତ୍ୱରାନୀତ କରିବା ପାଇଁ ନିର୍ଦ୍ଦେଶ ଦେଇଛନ୍ତି ।