ନୟାଗଡ଼, (ବାଘୁଆବାର୍ତ୍ତା): ପୁରୀ ପୋଷ୍ଟାଲ୍ ଡିଭିଜନରୁ ଅଲଗା ହୋଇ ସ୍ୱତନ୍ତ୍ର ଭାବେ ନୟାଗଡ଼ ପୋଷ୍ଟାଲ ଡିଭିଜନ କାର୍ଯ୍ୟକ୍ଷମ ହେବା ନେଇ କେନ୍ଦ୍ର ସରକାରଙ୍କ ଯୋଗାଯୋଗ ମନ୍ତ୍ରାଳୟ ନିଷ୍ପତ୍ତି ନେଇଛନ୍ତି । ଆବଶ୍ୟକୀୟ ଭିତ୍ତିଭୂମୀ ଏବଂ ଜନସାଧାରଣଙ୍କ ଆବଶ୍ୟକତାକୁ ବିଚାରକୁ ନେଇ ଏହି ନିଷ୍ପତ୍ତି ଗ୍ରହଣ କରାଯାଇଥିବା ବେଳେ ଆଜି ପୁରୀ ପୋଷ୍ଟାଲ ସୁପରିଟେଣ୍ଡେଡ୍ ବିଜୟ କୁମାର ଶତପଥୀ, ଭୂବନେଶ୍ୱର ସର୍କଲ ଡାଇରେକ୍ଟର ଆଦିତ୍ୟ କୁମାର ନାୟକ, ନୟାଗଡ଼ ହେଡ୍ ପୋଷ୍ଟ ମାଷ୍ଟର, ବିଭାଗୀୟ ଇଂଜିନିୟର ଏବଂ ଟେକ୍ନିସିଆନ୍ ପ୍ରମୂଖ ନୟାଗଡ଼ ମୁଖ୍ୟ ଡାକଘରଠାରେ ପହଂଚି ସ୍ଥିତି ଅନୁଧ୍ୟାନ କରିବା ସହ ଅକ୍ଟୋବର ୧ ତାରିଖରେ ନୟାଗଡ଼ ଡିଭିଜନ କାର୍ଯ୍ୟାଳୟ କାର୍ଯ୍ୟକ୍ଷମ କରିବା ନେଇ ମତବ୍ୟକ୍ତ କରିଛନ୍ତି । ନୟାଗଡ଼ ପୋଷ୍ଟାଲ ଡିଭିଜନ ସ୍ଥାପନ ଆକ୍ସନ କମିଟି ଆବାହକ ପ୍ରମୋଦ ପଟ୍ଟନାୟକ ଏହି ଟିମକୁ ସାକ୍ଷାତ କରି ନୟାଗଡ଼ ବାସୀଙ୍କ ପକ୍ଷରୁ ଧନ୍ୟବାଦ ଅର୍ପଣ କରିଥିଲେ ।
