ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ରାଜ୍ୟ ସରକାରଙ୍କର ମୋ ସରକାର ଓ ୫-ଟି ଯୋଜନାରେ ନୟାଗଡ଼ ପୋଲିସ ବିଭାଗରେ ଗଡିଛି ଆଉ ଏକ ମୁଣ୍ଡ । ଦଶପଲ୍ଲା ନିର୍ବାଚନମଣ୍ଡଳୀ ଅନ୍ତର୍ଗତ ମଧ୍ୟଖଣ୍ଡ ଫାଣ୍ଡିରେ କାର୍ଯ୍ୟରତ ଏଏସ୍ଆଇ ରମେଶ କୁମାର ସାହୁ ନିଲମ୍ବିତ ହୋଇଛନ୍ତି । କାର୍ଯ୍ୟରେ ଅବହେଳା, ବିଭିନ୍ନ ପ୍ରକାରର ଅଭିଯୋଗ, ଦୁର୍ନୀତିର ଛାପ ପରି ଅନେକ ଅଭିଯୋଗ ଫର୍ଦ୍ଦ ତାଙ୍କ ନାମରେ ଥିଲା । ଏହି ଆଧାରରେ ନୟାଗଡ଼ ଆରକ୍ଷୀ ଅଧିକ୍ଷକ ଶଷୀଭୂଷଣ ଶତପଥୀ ତାଙ୍କୁ କାର୍ଯ୍ୟରୁ ନିଲମ୍ବିତ କରିଥିବା ଜଣାପଡିଛି । ଏହି ବିଭାଗରେ କାର୍ଯ୍ୟରତ ଅନେକ ଅଧିକାରୀ ରାଜ୍ୟ ସରକାରଙ୍କ ୫-ଟି ସ୍ଥାନରେ ଥିବା ଜଣାପଡିଛି । କେଉଁ ମୁହୂର୍ତ୍ତରେ କାହାର ପାଳି ପଡିବ ଏହା ସମୟ କହିବ ।
