ନୟାଗଡ଼,(ବାଘୁଆବାର୍ତ୍ତା); ଏପ୍ରିଲ୍ ୧ ତାରିଖ ଉତ୍କଳ ଦିବସରେ ଜିଲ୍ଲାର ସର୍ବଶ୍ରେଷ୍ଠ କାର୍ୟ୍ୟ କରିଥିବା ପୁଲିସ କର୍ମଚାରୀମାନଙ୍କୁ ପୁରଷ୍କୃତ କରାଯିବା ନେଇ ସୂଚନା ମିଳିଛି । ଜିଲ୍ଲାରେ ଆଇନ ଶୃଙ୍ଖଳାରେ ସୁଧାର ଆଣିବା, ପୁଲିସ ସହିତ ଜନସାଧାରଣଙ୍କ ମଧ୍ୟରେ ଥିବା ଲୋକ ସଂପର୍କକୁ ପାଥେୟ କରି ଜିଲ୍ଲାର ସର୍ବଶ୍ରେଷ୍ଠ କର୍ମଚାରୀମାନଙ୍କୁ ପୁରଷ୍କୃତ କରାଯିବ । ସର୍ବଶ୍ରେଷ୍ଠ ଉପ ଆରକ୍ଷୀ ନିରୀକ୍ଷକ ଭାବେ ଗଣିଆ ଥାନା ଅଧିକାରୀ ଜୟପ୍ରକାଶ ପରିଡ଼ାଙ୍କୁ ପୁରଷ୍କୃତ କରାଯିବ ବୋଲି ସୂଚନା ମିିଳିଛି । ଏଥିସହିତ ଜିଲ୍ଲା ପୁଲିସ ମୁଖ୍ୟାଳୟରେ କାର୍ୟ୍ୟରତ ଥିବା ପ୍ରଭାତ କୁମାର ଆଚାର୍ୟ୍ୟଙ୍କୁ ଶ୍ରେଷ୍ଠ ଏଏସଆଇ, ନୟାଗଡ଼ ଥାନାର ଉତ୍ତମ ନାୟକଙ୍କୁ ସର୍ବଶ୍ରେଷ୍ଠ ହାବିଲଦାର, ଖଣ୍ଡପଡ଼ା ଥାନାର ପ୍ରଫୁଲ୍ଲ ଆଚାର୍ୟ୍ୟଙ୍କୁ ସର୍ବଶ୍ରେଷ୍ଠ କନେଷ୍ଟବଳ, ଜିଲ୍ଲା ପୁଲିସ ମୁଖ୍ୟାଳୟର ଲକ୍ଷ୍ମୀକାନ୍ତ ବରାଡ଼ ସର୍ବଶ୍ରେଷ୍ଠ କନେଷ୍ଟବଳ ଓ ଚିତ୍ତରଂଜନ ପ୍ରଧାନଙ୍କୁ ସର୍ବଶ୍ରେଷ୍ଠ ଟ୍ରାଫିକ୍ କନେଷ୍ଟବଳ ଭାବେ ମନୋନୀତ କରାଯାଇଛି । ପୁଲିସ କର୍ମଚାରୀମାନଙ୍କୁ ଉତ୍କଳ ଦିବସରେ ଜିଲ୍ଲା ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ ପୁରଷ୍କୃତ କରିବେ ବୋଲି ବିଶେଷ ସୁତ୍ରରୁ ଜଣାପଡିଛି ।
