କେନ୍ଦୁଝର, (ବାଘୁଆବାର୍ତ୍ତା): କେନ୍ଦୁଝର ପୋଲିସକୁ ବଡ ସଫଳତା । ସାଇବର କ୍ରାଇମ୍ରେ ବ୍ୟବହାର ହେଉଥିବା ନକଲି ନାଁରେ ମୋବାଇଲ ସିମ୍ ବ୍ୟବହାର କରୁଥିବା ୪ ଜଣ ଅପରାଧୀଙ୍କୁ ଧରିଲା ପୋଲିସ । ୪୦୦୦ରୁ ଉର୍ଦ୍ଧ୍ବ ନକଲି ସିମ୍ ବାହାର କରି ଝାଡଖଣ୍ଡ, ବିହାର, ରାଜସ୍ଥାନ ସାଇବର ଠକଙ୍କୁ କରିଥିଲେ ବିକ୍ରି କରୁଥିଲେ । ଏହି ଗ୍ୟାଙ୍ଗ୍ର ଗିରଫ ସଦସ୍ୟଙ୍କ ଠାରୁ ୫୩୮ଟି ସିମ୍, ୧୮ଟି ମୋବାଇଲ, ୫ଟି ବାୟୋମେଟ୍ରିକ ସ୍କାନର, ୨୫ଟି ଏଟିଏମ୍ କାର୍ଡ଼, ୨୫ଟି ଆଇଡି କାର୍ଡ, ୧ଟି ଲାପଟପ, ୭ଟି ପାସ୍ବୁକ୍, ୧୮୫ଟି ଫଟୋ, ୫୦୭୧ ଟଙ୍କା ଜବତ ହୋଇଛି । ଏମାନଙ୍କ ନାମରେ ଦେଶ ସାରା ୩୦୦ରୁ ଉର୍ଦ୍ଧ୍ବ ମାମଲା ରହିଛି । ଏସପିଙ୍କ ସୂଚନା ଅନୁଯାୟୀ ଏମାନେ ବିଭିନ୍ନ ସିମ୍ କାର୍ଡ କମ୍ପାନୀରେ ଚାକିରି କରୁଥିବା ବେଳେ ନୀରିହ ଲୋକଙ୍କୁ ଠକି ସେମାନଙ୍କ ଅଜାଣନ୍ତରେ ସିମ୍ ବାହାର କରି ସାଇବର ଠକମାନଙ୍କୁ ଦେଉଥିଲେ । ସମସ୍ତ ଅପରାଧୀ କେନ୍ଦୁଝର ଘଷିପୁରା ଥାନା ଅଞ୍ଚଳର ବୋଲି ଜଣାପଡିଛି ।





