ନୟାଗଡ଼,(ବାଘୁଆବାର୍ତ୍ତା): କଥାରେ ଅଛି ମାନି ଜିମାନୀ ମଧ୍ୟସ୍ଥି ମନା କରିଛନ୍ତି ଅଗସ୍ତି ସେହି ନ୍ୟାୟରେ ଆଜି ଜଣେ ବ୍ୟକ୍ତିଙ୍କ ଜୀବନ ଯାଇଥିବା ଅଭିଯୋଗ ହୋଇଛି । ଏଭଳି ଘଟଣା ଘଟିଛି ଭଦ୍ରେଶ୍ୱରୀ ଫାଣ୍ଡି ଅଞ୍ଚଳରେ । ଏଠି ଜଣକ ଯୋଗୁଁ ଆଉ ଜଣକୁ ପୁଲିସ ନିର୍ଯ୍ୟାତନା ଦେଉଥିବା ଅସହ୍ୟ ହେବାରୁ ଉକ୍ତ ବ୍ୟକ୍ତି ଜଣକ ଆତ୍ମହତ୍ୟା କରିଥିବା ଜଣାପଡିଛି । ସୂଚନାନୁସାରେ, କଟକ ଜିଲ୍ଲା ମାହାଙ୍ଗା ଥାନା ଅନ୍ତର୍ଗତ ଭଦ୍ରେଶ୍ୱର ଫାଣ୍ଡି ନଇଗୁଆଁ ଗାଁର କଳାକାର ସାହୁଙ୍କ ଝିଅ ସହିତ ସେହି ଗାଁ ନିଖୋଜ ହୋଇଯାଇଥିବା ଝିଅ ଉଭୟ ଦୁଇ ସାଙ୍ଗ । ୧୯ତାରିଖ ରାତିରେ ସେହି ଗାଁରୁ କଳାକାର ଝିଅର ସାଙ୍ଗ ନିଖୋଜ ହୋଇଯାଇଥିଲା । ନିଖୋଜ ନାବାଳିକାଙ୍କ ପରିବାର ଲୋକ ଥାନାରେ ଅଭିଯୋଗ କରିଥିଲେ । ଯେହେତୁ ନିଖୋଜ ହୋଇଥିବା ନାବାଳିକା ଜଣକ ପୂର୍ବରୁ ବହୁବାର କଳାକାରଙ୍କ ଘରକୁ ଯିବା ଆସିବା କରନ୍ତି ଏବଂ ତାଙ୍କ ଫୋନରେ ସମୟ ସମୟ ଧରି କାହା ସାଙ୍ଗରେ କଥା ହୋଇଥାନ୍ତି । ନିଖୋଜ ହୋଇଯିବାରୁ ପୁଲିସ କଳାକାରକୁ ବିଭିନ୍ନ ସମୟରେ ଅକଥନୀୟ ଅତ୍ୟାଚାର ଦେଉଥିଲେ । ସେଥିରେ ଅସହ୍ୟ ହୋଇ କଳାକାର ବାରିପଟେ ଥିବା ଏକ ଗଛରେ ଦଉଡ଼ି ଦେଇ ଆତ୍ମହ୍ୟା କରିଥିବା ନେଇ କଳାକାରଙ୍କ ସ୍ତ୍ରୀ ଅଭିଯୋଗ କରିଛନ୍ତି ।
