ଦିଲ୍ଲୀ,(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଦେଶବାସୀଙ୍କୁ ସମ୍ବୋଧିତ କରିଛନ୍ତି । ବିଶ୍ୱବାସୀ ଦୀର୍ଘ ୪ ମାସ ଧରି କରୋନା ମହାମାରୀ ସହ ଲଢ଼େଇ କରୁଥିବା ନେଇ ମୋଦି କହିବା ସହ ଏହି ଲଢ଼େଇରୁ ବଂଚିବା ପାଇଁ ଏକ ମାର୍ଗ ହେଉଛି, ଆତ୍ମନିର୍ଭର ଭାରତ ଗଢ଼ିବା ବୋଲି କହିଛନ୍ତି । ଭାରତ ଏ ବିପଦକୁ ଟଳାଇ ଦେଉଛି । ଭାରତର ପ୍ରଗତୀରେ ବିଶ୍ୱର ପ୍ରଗତୀ ହେବ, ଅନେକ ବର୍ଷ ଧରି ବିଭିନ୍ନ ମହାମାରୀରୁ ଭାରତ ମୁକ୍ତି ପାଇଛି । ଏଥିରୁ ମଧ୍ୟ ଆମେ ମୁକ୍ତି ପାଇବା । ଏଥିପାଇଁ ଆମକୁ ସବୁ ନିୟମକୁ ମାନିବାକୁ ପଡ଼ିବ । ମାନବ ଜାତିର କଲ୍ୟାଣ ପାଇଁ ଭାରତ ଆଗେଇ ଆସିଛି । ଶହେ ତିରିଶ କୋଟି ଜନସାଧାରଣଙ୍କ ପାଖରେ ଆମେ ଛିଡ଼ା ହୋଇଛେ । ଜୀବନ ମୃତ୍ୟୁ ଲଢ଼େଇ ବେଳେ ଆର୍ଥୀକ ଦୃଷ୍ଟି କୋଣକୁ ଦେଖିବାକୁ ପଡ଼ିବ । ସେଥିପାଇଁ ଶ୍ରମିକ ଓ କୃଷକ ମାନଙ୍କ ପାଇଁ ୨୦ ଲକ୍ଷ କୋଟିର ସ୍ୱତନ୍ତ୍ର ପ୍ୟାକେଜ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ମୋଦୀ । ଏହି ଆର୍ଥୀକ ପ୍ୟାକେଜ୍ ସମସ୍ତଙ୍କ ଦୃଷ୍ଟିକୁ ଘୋଷଣା କରାଯାଇଛି । ଏନେଇ ଆସନ୍ତାକାଲିଠାରୁ ଅର୍ଥ ମନ୍ତ୍ରୀ ବିସ୍ତୃତ ସୂଚନା ଦେବେ ବୋଲି ଜଣାଯାଇଛି । ଆମର ସାଧନା ଅଛି, ସାମର୍ଥ ଅଛି, ଡରିବାର ନାହିଁ ବୋଲି ମୋଦି କହିଛନ୍ତି ।
