ଭୁବନେଶ୍ୱର, (ବାଘୁଆବାର୍ତ୍ତା): ଯୋଜନା ବୋର୍ଡ ଉପାଧ୍ୟକ୍ଷ ଶ୍ରୀ ସଂଜୟ କୁମାର ଦାସବର୍ମା ପୁରୀ ଜିଲ୍ଲାରେ ଜଳସଂପଦ ଓ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା କାର୍ଯ୍ୟକାରୀ ହେଉଥିବା ବିଭିନ୍ନ ହାଇଲେଭେଲ୍ ବି୍ରଜ୍ ଓ ରାସ୍ତା ନିର୍ମାଣ କାର୍ଯ୍ୟର ସମୀକ୍ଷା କରିଛନ୍ତି । ପ୍ରତାପପୁରୁଷୋତ୍ତମପୁର ଗ୍ରାମ ପଞ୍ଚାୟତ ଅଧୀନସ୍ଥ ମାଳିସାହି ଭାର୍ଗବୀ ନଦୀ ଉପରେ ଏକ ବେଲିବି୍ରଜ ନିର୍ମାଣ କରିବାକୁ ନିଷ୍ପତ୍ତି ନିଆଯାଇଛି । ଏହି କାର୍ଯ୍ୟଟି ଓଡ଼ିଶା କନ୍ଷ୍ଟ୍ରକସନ୍ କର୍ପୋରେସନ୍ ଦ୍ୱାରା ସଂପାଦିତ ହେବ । ଏହି ବି୍ରଜ କାର୍ଯ୍ୟ ତୁରନ୍ତ ଆରମ୍ଭ କରିବାକୁ ଉପାଧ୍ୟକ୍ଷ ଶ୍ରୀ ଦାସବର୍ମା ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଥିଲେ । ଏଥି ସହିତ ଧରୀକୁଦି ଗ୍ରାମ ପଞ୍ଚାୟତର ସାଉଥ୍କିଆଠାରେ ହାଇଲେଭେଲ୍ ବି୍ରଜ୍, କପିଳେଶ୍ୱରପୁର ଗ୍ରାମ ପଞ୍ଚାୟତର ତିନିକୁଦିଠାରେ ଭାର୍ଗବୀ ନଦୀ ଉପରେ ଏବଂ କପିଳେଶ୍ୱରପୁର ଗ୍ରାମ ପଞ୍ଚାୟତର ପଥରପଦାଠାରେ ହେବାକୁ ଥିବା ହାଇଲେଭେଲ୍ ବି୍ରଜ୍ ଏବଂ କନ୍ଦପଡ଼ା ଗ୍ରାମ ପଞ୍ଚାୟତର ନିଖିଳଗୋବିନ୍ଦପୁର ମଝିପଡ଼ା ରୋଡ଼୍ଠାରେ ଲୁାନଦୀ ଉପରେ ନିର୍ମା ହେବାକୁ ଥିବା ହାଇଲେଭେଲ୍ ବ୍ରିଜ ନିର୍ମାଣ କାର୍ଯ୍ୟର ସମୀକ୍ଷା କରିଥିଲେ । ଏସବୁର ନିର୍ମାଣ କାର୍ଯ୍ୟକୁ ଯଥାଶୀଘ୍ର ଆରମ୍ଭ କରି ନିର୍ଦ୍ଦିଷ୍ଟ ସମୟ ମଧ୍ୟରେ ଶେଷ କରିବାକୁ ସେ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଥିଲେ । ସେ ମଧ୍ୟ ନୂଆ ଜଗନ୍ନାଥ ସଡ଼କଠାରୁ ଚୁରାଳି ପର୍ଯ୍ୟନ୍ତ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା ରାସ୍ତା ନିର୍ମାଣ କାର୍ଯ୍ୟର ସମୀକ୍ଷା କରି ଏହି କାର୍ଯ୍ୟକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଥିଲେ । ଏହି ବୈଠକରେ ଜଳସଂପଦ ବିଭାଗର ସର୍ବୋଚ୍ଚ ଯନ୍ତ୍ରୀ, ମୁଖ୍ୟ ଯନ୍ତ୍ରୀ, ବନ୍ୟା ନିୟନ୍ତ୍ରଣ ଓ ଅବବାହିକା ପରିଚାଳନା, ଲୋୟର ମହାନଦୀ ବେସିନ୍, ଅଧୀକ୍ଷଣ ଯନ୍ତ୍ରୀ, କେନ୍ଦ୍ରୀୟ ଜଳସେଚନ ସର୍କଲ, କାର୍ଯ୍ୟନିର୍ବାହୀ ଯନ୍ତ୍ରୀ, ପୁରୀ ଇରିଗେସନ୍ ଡିଭିଜନ୍ ଏବଂ ଗ୍ରାମ୍ୟ ଉଞ୍ଛନ୍ନୟନ ବିଭାଗର ସର୍ବୋଚ୍ଚ ଯନ୍ତ୍ରୀ, ମୁଖ୍ୟଯନ୍ତ୍ରୀ, କାର୍ଯ୍ୟ ନିର୍ବାହୀ ଯନ୍ତ୍ରୀ ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ ।
