ଓଡ଼ଗାଁ (ବାଘୁଆବାର୍ତ୍ତା): କୋମଣ୍ଡ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ “ଇକୋ କ୍ଲବ” ମାଧ୍ୟମରେ ବୃକ୍ଷରୋପଣ କାର୍ୟ୍ୟକ୍ରମ ଅନୁଷ୍ଠିତ ହୋଇଯାଇଛି।ଉକ୍ତ କାର୍ୟ୍ୟକ୍ରମରେ ବଉଳକୋଳି, ପେସ୍ତା ବାଦାମ, ଅମୃତଭଣ୍ଡା, ସଜନା, ସାଗୁଆନ ଆଦି ବିଭିନ୍ନ ପ୍ରଜାତିର ୫୦ଟି ବୃକ୍ଷରୋପଣ କରାଯାଇଥିଲା । ଆଜିର କାର୍ୟ୍ୟକ୍ରମରେ କ୍ଲଷ୍ଟର ସି.ଆର.ସିସି ଲଳିତ ମୋହନ ମିଶ୍ର, ବିଦ୍ୟାଳୟ କମିଟି ସଭାପତି ଜନାର୍ଦ୍ଦନ ପ୍ରଧାନ ଏବଂ ଅନ୍ୟ ସଭ୍ୟ ସଭ୍ୟା ଅଂଶଗ୍ରହଣ କରିଥିଲେ ।ବିଦ୍ୟାଳୟ ଶିକ୍ଷକ, ଶିକ୍ଷୟିତ୍ରୀ ବିଦ୍ୟାଧର ସାହୁ, କୃଷ୍ଣଚନ୍ଦ୍ର ଆଲଟିଆ, ଚନ୍ଦ୍ରମଣି ନାୟକ, ସ୍ବର୍ଣ୍ଣଲତା ସାହୁ, ଉର୍ମିଳା ମୁର୍ମୁ, ପଦ୍ମଚରଣ ମହାପାତ୍ର, ଦିଲ୍ଲୀପ କୁମାର ଗୁରୁ ଏବଂ ମାଗେତା ବେହେରା ପ୍ରମୁଖ ବୃକ୍ଷରୋପଣରେ ସହଯୋଗ କରିଥିଲେ । “ବୃକ୍ଷ ହିଁ ଜୀବନ” ଏହାକୁ ପାଥେୟ କରି ଏକ ଆଲୋଚନା ଚକ୍ର ଆୟୋଜନ କରାଯାଇଥିଲା ଉକ୍ତ ଆଲୋଚନା ଚକ୍ରରେ ଉପସ୍ଥିତ ସମସ୍ତ ନେତୃମଣ୍ଡଳୀ ବୃକ୍ଷରୋପଣର ବିଭିନ୍ନ ଉପକାରିତା ଏବଂ ଆଗାମୀ ଦିନରେ କିପରି ଅଧିକରୁ ଅଧିକ ବୃକ୍ଷରୋପଣ କାର୍ୟ୍ୟକ୍ରମ କରାଯାଇପାରିବ ସେ ଵିଷୟରେ ଆଲୋକପାତ କରିଥିଲେ । ବିଦ୍ୟାଳୟ ପ୍ରଧାନଶିକ୍ଷକ ମନୋଜ କୁମାର ନାୟକ ସମସ୍ତ କାର୍ୟ୍ୟକ୍ରମକୁ ପରିଚାଳନା କରିଥିଲେ।
