ବନ୍ଧୁଗାଁ, (ବାଘୁଆବାର୍ତ୍ତା): କୋରାପୁଟ ଜିଲ୍ଲା ପାଳ ଅବଦଲ୍ ଏମ୍. ଅଖତର ବନ୍ଧୁଗାଁ ବ୍ଲକ ପରିଦର୍ଶନ କରିବା ସହ ଉନ୍ନତୀ ମୂଳକ କାର୍ୟ୍ୟର ସମୀକ୍ଷା କରିଛନ୍ତି । ନୀଲାବାଡୀରେ ନିର୍ମାଣ କରାଯାଉଥିବା ରାସ୍ତା ଏବଂ ପୋଲ କାମର ସମୀକ୍ଷା କରିଥିଲେ । ଏହା ସହ ସେଠାରେ ନିର୍ମାଣ କରାଯାଉଥିବା ଏକ କଲ୍ୟାଣମଣ୍ଡପ କାର୍ୟ୍ୟର ଅଗ୍ରଗତି ସମ୍ପର୍କରେ ପଚାରି ବୁଝିଥିଲେ । ଏହି ସମୟରେ ସ୍ଥାନୀୟ ବାସିନ୍ଦାମାନେ ବିଜୁଳଇ ଏବଂ ମୋବାଇଲ୍ ସେବା ଠିକ୍ ଭାବେ ମିଳୁ ନଥିବା ଅଭିଯୋଗ କରିଥିଲେ । ଏଥିପାଇଁ ପିଲାଙ୍କ ଅନ୍ଲାଇନ୍ ପାଠ ପଢା ବାଧାପ୍ରାପ୍ତ ହେଉଥିବା ପ୍ରକାଶ କରିଥିଲେ । ପିଲାଙ୍କ ପାଠ ପଢା ପାଇଁ ଉପଯୁକ୍ତ ବ୍ୟବସ୍ଥା କରିବା ପାଇଁ ସ୍ଥାନୀୟ ବାସିନ୍ଦା ଦାବି କରିଥିଲେ । ଏହି ସମସ୍ୟାର ସମାଧାନ ପାଇଁ ଉଦ୍ୟମ କରାଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଥିବା ସୂଚନା ମିଳିଛି । ଏହା ସହ ଝଞ୍ଜାବତୀ ଉପରେ ନିର୍ମାଣ କରାଯାଉଥିବା ପୋଲର କାର୍ୟ୍ୟ ଶେଷ ହେଉ ନଥିବାରୁ ସେ ବିଷୟରେ ଜିଲ୍ଲାପାଳ ଅନୁଧ୍ୟାନ କରିଥିଲେ । ଏହି ସମୟରେ ଅନ୍ୟାନ୍ୟ ବରିଷ୍ଠ ପ୍ରଶାସନିକ ଅଧିକାରୀ ଉପସ୍ଥିତ ଥିଲେ ।
ବନ୍ଧୁଗାଁ ପରିଦର୍ଶନ କରିବା ସହ ଉନ୍ନତୀ ମୂଳକ କାର୍ଯ୍ୟର ସମୀକ୍ଷା କଲେ କୋରାପୁଟ ଜିଲ୍ଲାପାଳ
