ଭୁବନେଶ୍ୱର,(ବାଘୁଆବାର୍ତ୍ତା): ରାୟଗଡ଼ା ଜିଲ୍ଲା ଭାକୁରଗୁଡାରେ ପ୍ଲାନେଟୋରିୟମ ଓ ଜୟପୁର ଜିଲ୍ଲାରେ ବିଜ୍ଞାନ କେନ୍ଦ୍ର ନିର୍ମାଣ ହେବ । ଏନେଇ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିସି ମାଧ୍ୟମରେ ପ୍ଲାନେଟୋରିୟମ ଓ ଜିଲ୍ଲା ବିଜ୍ଞାନ କେନ୍ଦ୍ରର ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଭିତ୍ତିପ୍ରସ୍ତର ସ୍ଥାପନ ଦିବସରେ, ପ୍ଲାନେଟୋରିୟମ ଓ ବିଜ୍ଞାନ କେନ୍ଦ୍ର ନିର୍ମାଣ ହେବା ଦ୍ୱାରା ସମସ୍ତ ଜନସାଧାରଣଙ୍କ ସୂଚନା କ୍ଷେତ୍ରରେ କାର୍ଯ୍ୟରେ ଆସିବ । ସେଥିପାଇଁ ଲୋକଙ୍କ ପାଇଁ ଆଜିର ଦିନରେ ବିଜ୍ଞାନ କାର୍ଯ୍ୟ କରୁଛି । ତେଣୁ ଏହାକୁ ଦୃଷ୍ଟିରେ ରଖି ରାଜ୍ୟ ସରକାର ୫ଟି ନୂଆ ପ୍ଲାନେଟୋରିୟମ ନିର୍ମାଣ କରିବା ପାଇଁ ଆଜି ଭିତ୍ତିପ୍ରସ୍ତର ସ୍ଥାପନ କରିଛନ୍ତି । ଭୁବନେଶ୍ୱର, ବୁର୍ଲ୍ଲା ଓ ରାୟଗଡ଼ା ବ୍ୟତୀତ ମୟୂରଭଂଜ ଜିଲ୍ଲାର ବାରିପଦା, କେନ୍ଦୁଝର ଜିଲ୍ଲାର ଘଟଗାଁ, ଗଂଜାମ ଜିଲ୍ଲାର ଗୋପାଳପୁର ନିକଟରେ ଥିବା ବିକ୍ରମପୁର, ରାଉଲକେଲା ଓ ବଲାଙ୍ଗିର ଠାରେ ପ୍ଲାନେଟୋରିୟମ ଖୋଲିବା ପାଇଁ ନିଷ୍ପତ୍ତି ନେଇଛନ୍ତି । ସେହିପରି ପ୍ରଥମ ପର୍ଯ୍ୟାୟରେ ୧୦ଟି ଜିଲ୍ଲାରେ ବିଜ୍ଞାନ କେନ୍ଦ୍ର ଜୟପୁର, ବାରିପଦା, ଗଂଜାମ, ଘଟଗାଁ, ରାଉଲକେଲା, ପୁରୀ, ବଲାଙ୍ଗିର, ଭଦ୍ରକ, ନୟାଗଡ଼ ଜିଲ୍ଲାର ଖଣ୍ଡପଡ଼ା ଓ ଜଗତସିଂହପୁରର ପାରାଦ୍ୱୀପ ଠାରେ ଖୋଲିବା ନେଇ ନିଷ୍ପତ୍ତ ହୋଇଛି । ଏବଂ ପ୍ରତି ପ୍ଲାନେଟୋରିୟମ ପାଇଁ ୧୫କୋଟି ଟଙ୍କା ଓ ବିଜ୍ଞାନ କେନ୍ଦ୍ର ପାଇଁ ସାଢେ ୬କୋଟି ଟଙ୍କା ବିନିଯୋଗ କରାଯିବ । ତେଣୁ ପ୍ଲାନେଟୋରିୟମ ଓ ବିଜ୍ଞାନ କେନ୍ଦ୍ର ନିର୍ମାଣ ହେଲେ ଆଦିବାସୀ ବହୁଳ କୋରାପୁଟ ଓ ରାୟଗଡ଼ା ଜିଲ୍ଲାର ଲୋକମାନଙ୍କର ବହୁ ଲକ୍ଷ ସାଧିତ କରିବ ଏବଂ ନୂଆ ବୈଜ୍ଞାନିକ ପ୍ରତିଭା ସୃଷ୍ଟି କରିବାରେ ପ୍ରେରଣ ଯୋଗଇବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିସି ମାଧ୍ୟମରେ ବକ୍ତବ୍ୟ ରଖିଥିଲେ । ଉକ୍ତ କାର୍ଯ୍ୟକ୍ରମରେ ୫-ଟି ସଚିବ ଭି.କେ ପାଣ୍ଡିୟାନଙ୍କ ସହିତ ଜଜଜାତି ଓ ଜାତି ବିକାଶ ମନ୍ତ୍ରୀ ଜଗନ୍ନାଥ ଶାଗରିଆ, ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶୋକ ପଣ୍ଡା, ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ ପଦ୍ମିନୀ ଦିଆନ ପ୍ରମୁଖ ଉପସ୍ଥିତ ରହି ମତବ୍ୟକ୍ତ ରଖିଥିଲେ ।
ଲୋକଙ୍କ ପାଇଁ ବିଜ୍ଞାନ; ଭିତ୍ତିପ୍ରସ୍ତର ସ୍ଥାପନ କଲେ ମୁଖ୍ୟମନ୍ତ୍ରୀ
