ନୟାଗଡ଼, (ବାଘୁଆବାର୍ତ୍ତା): ଖଣ୍ଡପଡ଼ା ବ୍ଳକ ଅଧିନ ଖଳିସାହି ଗ୍ରାମର ବିଶିଷ୍ଟ ପିତଳମୂର୍ତୀ କାରିଗର ସାରଙ୍ଗଧର ମହାପାତ୍ର(୬୪)ଙ୍କର ଶୁକ୍ରବାର ଦିବା ସାଢେ ୧୦ଟା ସମୟରେ ହୃଦଘାତରେ ପରଲୋକ ହୋଇଯାଇଛି । ଦୀର୍ଘ ବର୍ଷ ଧରି ସେ ହୃଦଘାତ ଜନିତ ରୋଗରେ ପିଡ଼ିତ ଥିଲେ । ରାଜ୍ୟ ହସ୍ତଶିଳ୍ପ ପୁରସ୍କାରପ୍ରାପ୍ତ ସ୍ୱର୍ଗତ ମହାପାତ୍ର ଜଣେ ବିଶିଷ୍ଟ ପିତଳ ମୂର୍ତୀ କାରିଗର ଭାବେ ବିଭିନ୍ନ ମହଲରେ ବେଶ ଜଣାଶୁଣା ଥିଲେ । ତାଙ୍କ ବିୟୋଗରେ ନିଖିଳ ଉତ୍କଳ କଂସାରୀ ସମାଜର, କାର୍ଯ୍ୟକାରୀ ସଭାପତି ଅଖିଳ କୁମାର ମହାରଣା ଓ ପିତଳମୂର୍ତୀ କାରିଗର ସଂଘର ସଦସ୍ୟମାନେ ଗଭୀର ଦୁଃଖପ୍ରକାଶ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି । ତାଙ୍କ ମୃତ୍ୟୁ ଖବର ପ୍ରଚାରିତ ହେବାପରେ ବହୁ ମାନ୍ୟଗଣ୍ୟ ବ୍ୟକ୍ତି ଖଳିସାହିସ୍ଥିତ ତାଙ୍କ ବାସଭବନରେ ପହଁଚି ଶେଷଦର୍ଶନ କରିଥିବା ଜଣାଯାଇଛି ।
