ଭୁବନେଶ୍ୱର,(ବାଘୁଆବାର୍ତ୍ତା): ପିପିଲି ଉପନିର୍ବାଚନକୁ ନେଇ ଚାଲିଛି ଜୋର ଦାର ପ୍ରଚାର ପ୍ରସାର । ନିର୍ବାଚନର ପ୍ରଚାର ପ୍ରସାର କରିବା ପାଇଁ ତିନି ପ୍ରମୁଖ ଦଳ ଯୋରଦାର କସରତ କରିବା ଆରମ୍ଭ କରି ଦେଇଥିବା ବେଳେ ଆଜି ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ଆଜି ପିପିଲି ଉପ ନିର୍ବାଚନ ପାଇଁ ପ୍ରଚାର ମଇଦାନକୁ ଓହ୍ଲାଇବେ । ତାହା ପୁଣି ଭଚ୍ୟୁଆଲ ମାଧ୍ୟମରେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ ପିପିଲି ଉପ ନିର୍ବାଚନ ପ୍ରାର୍ଥୀ ରୁଦ୍ର ପ୍ରତାପ ମହାରଥୀଙ୍କ ପାଇଁ ପ୍ରଚାର କରିବେ । ସେଥିପାଇଁ ପିପିଲି-ଡେଲାଙ୍ଗ ନିର୍ବାଚନୀ ମଣ୍ଡଳୀରେ ଥିବା ୬ଟି ଜିଲ୍ଲା ପରିଷଦ ଜୋନ୍ରେ ଭଚ୍ୟୁଆଲ ମାଧ୍ୟମରେ ପ୍ରଚାର ପ୍ରସାର କରିବା ପାଇଁ ସମସ୍ତ ପ୍ରକାରର ବନ୍ଦୋବସ୍ତ କରାଯାଇଛି । ପିପିଲି ବ୍ଲକ୍, ଏନଏସି ଓ ଡେଲାଙ୍ଗ ବ୍ଲକ୍ର ୬ଟି ଜୋନ୍ରେ ଭିସି ମାଧ୍ୟମରେ ପ୍ରଚାର କରିବେ ବିଜେଡ଼ି ସୁପ୍ରିମୋ ନବୀନ ପଟ୍ଟନାୟକ । ସମସ୍ତ ପ୍ରସ୍ତୁତି ସରିଥିବା ବେଳେ ଆଉ କିଛି ସମୟ ପରେ ବିଜେଡ଼ି ସୁପ୍ରିମୋ ପିପିଲି-ଡେଲାଙ୍ଗ ବାସୀଙ୍କ ପାଇଁ ଉଦବୋଧନ ଦେବେ ।
