ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ର ବହୁ ପୁରାତନ ଅଗ୍ରଣୀ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ‘ପରମ୍ପରା’ ପକ୍ଷରୁ ନୟାଗଡ଼ ପୁରୁଣା ସହରସ୍ଥିତ ରାଜବାଟୀ ନକଟସ୍ଥ ମା’ ଦୁର୍ଗାଦେବୀ ମନ୍ଦିର ପରିସରରେ ‘ବିଷୁବ ମିଳନ’ ଅନୁଷ୍ଠିତ ହୋଇଯାଇଛି । ଅନୁଷ୍ଠାନ ସଭାପତି ଡ. ସୁକାନ୍ତୀ ମହାନ୍ତିଙ୍କ ପୌରହିତ୍ୟରେ ଅନୁଷ୍ଠିତ ଏହି ବିଷୁବ ମିଳନରେ ବେତାର ଓ ଦୂରଦର୍ଶନର କଣ୍ଠଶିଳ୍ପୀ ପ୍ରଶାନ୍ତ କୁମାର ଦାଶ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ କବି କଲ୍ଲୋକ ଗୋଦାବରୀ ବସନ୍ତିଆ ମୁଖ୍ୟବକ୍ତା ଭାବେ ଯୋଗ ଦେଇ ଶ୍ରୀ ଜଗନ୍ନାଥଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହିତ ପ୍ରଦୀପ ପ୍ରଜ୍ଜ୍ୱଳନ କରି ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ପରମ୍ପରା ସଂପାଦକ ନିର୍ମଳଚନ୍ଦ୍ର ଶୂରଦେଓ ‘ପରମ୍ପରା ସାହିତ୍ୟ ଓ ସଂସ୍କୃତି’ ପରିଷଦର ଦୀର୍ଘ ୩୦ବର୍ଷର କାର୍ଯ୍ୟଧାରା, ସଫଳତା ଓ ବିଷୁବ ମିଳନର ଉଦ୍ଦେଶ୍ୟ ପାଠ କରିଥିଲେ । ବିଷୁବ ମିଳନ ଉତ୍ସବରେ କବି ଲକ୍ଷବଚ୍ଚ ନାୟକ “ ଉଦୟ ଇନ୍ଦ୍ରଧନୁ” କବିତା ପୁସ୍ତକକୁ ଅତିଥିମାନେ ଉନ୍ମୋଚନ କରିଥିଲେ ।
