ଚେନ୍ନାଇ, (ବାଘୁଆବାର୍ତ୍ତା): ଚଳିତ ଆଇପିଏଲ ସିଜିନ୍-୧୪ରେ କ୍ରମାଗତ ଭାବେ ମୁମ୍ବାଇ ଇଣ୍ଡିଆନ୍ସ ପରାଜୟ କରୁଥିବା ବେଳେ ଆଜିର ମ୍ୟାଚ୍ରେ ପଞ୍ଜାବ କିଙ୍ଗିସ ୯ୱିକେଟରେ ବାଜି ମାରି ନେଇଛି । ସୂଚନାନୁସାରେ, ଆଜିର ମ୍ୟାଚ ମୁମ୍ବାଇ ଇଣ୍ଡିଆନ୍ସ ଓ ପଞ୍ଜାବ କିଙ୍ଗିସ୍ ମଧ୍ୟରେ ଅନୁଷ୍ଠିତ ହୋଇଯାଇଛି । ପଞ୍ଜାବ କିଙ୍ଗିସ୍ ଟଜ୍ ଜିତି ଫିଲ୍ଡି କରିବା ନିଷ୍ପତି ନେଇ ମୁମ୍ବାଇ ଇଣ୍ଡିଆନ୍ସକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା । ମୁମ୍ବାଇ ଇଣ୍ଡିଆନ୍ସ ନିର୍ଦ୍ଧାରିତ ୨୦ଓଭରରେ ୬ୱିକେଟ୍ ହରାଇ ୧୩୧ରନ କରିବାରେ ସକ୍ଷମ ହୋଇଥିବା ବେଳେ ଦଳ ପକ୍ଷରୁ ରୋହିତ୍ ଶର୍ମା ୫ଟି ଚୌକା ଓ ୨ଟି ଛକା ସହାୟତାରେ ସର୍ବାଧିକ ୬୩ରନ୍ କରିଥିବା ବେଳେ ସୂର୍ଯ୍ୟକୁମାର ଯାଦବ ୩ଟି ଚୌକା, ୧ଟି ଛକା ସହାୟତାରେ ୩୩ରନ କରିଥିଲେ । ୧୩୨ରନ୍ ବିଜୟ ଲକ୍ଷ ନେଇ ପଡ଼ିଆ ଭିତରକୁ ପ୍ରବେଶ କରିଥିଲା ପଞ୍ଜାବ କିଙ୍ଗିସ୍ । ନିଦ୍ଧା୭ରିତ ଓଭର ପୂର୍ବରୁ ପଞ୍ଜାବ କିଙ୍ଗସ ଧୂଆଧାର ବ୍ୟାଟିଂ କରି ମାତ୍ର ୧ଟି ୱିକେଟ୍ ହରାଇ ୧୩୨ରନ କରି ବଜୟୀ ହୋଇଥିଲା । ଦଳପକ୍ଷରୁ କେଲେ ରାହୁଲ ୪ଟି ଚୌକା, ୧ଟି ଛକା ସହାୟତାରେ ୬୦ରନ କରିଥିବା ବେଳେ ଗେଲ୍ ୫ଟି ଚୌକା, ୨ଟି ଛକା ସହାୟତାରେ ୪୩ରନ୍ କରିଥିଲେ ସେହିପରି ମୟଙ୍କ ଅଗ୍ରୱାଲ ୪ଟି ଚୌକା, ୧ଟି ଛକା ସହାୟତାରେ ୨୫ରନ କରି ଦଳକୁ ବଜୟୀ କରିଥିଲେ ।
