ପାନୀୟ ଜଳ ଏବଂ ଡ୍ରେନ ନିର୍ମାଣ ନେଇ ରତନପୁରବାସୀଙ୍କ ଦାବି

ନୟାଗଡ଼,(ବାଘୁଆବାର୍ତ୍ତା): ପାନୀୟ ଜଳ ଯୋଗାଣ ଏବଂ ଡ୍ରେନ ନିର୍ମାଣ ନେଇ ନୟାଗଡ଼ ସହର ରତନପୁର ବାସୀମାନେ ଆଜି ଜିଲ୍ଲାପାଳଙ୍କୁ ଭେଟିଛନ୍ତି । ଗ୍ରାମରେ ଥିବା ଜଳଯୋଗାଣ ପ୍ରକଳ୍ପ ଦୀର୍ଘଦିନ ହେବ ଅଚଳ ହୋଇପଡ଼ିଥିବା ବେଳେ ଦୁଇଟି ନଳକୂପ ମଧ୍ୟ ନଷ୍ଟ ହୋଇଯାଇଛି । ସେହିଭଳି ଡ୍ରେନ ନଥିବାରୁ ଏହି ଅଂଚଳରେ ସହରର ବଜ୍ଜ୍ୟଜଳ ଜମି ରହୁଥିବା କାରଣରୁ କୂଅ ପାଣି ମଧ୍ୟ ପିଇବା ଉପଯୋଗୀ ହୋଇପାରୁ ନାହିଁ । ଯାହାକୁ ନେଇ ଗ୍ରାମବାସୀମାନେ ପୂର୍ବରୁ ପି ଏଚଡି ଏବଂ ପୈାର କାର୍ଯ୍ୟାଳୟରେ ଅଭିଯୋଗ କରିଥିଲେ ମଧ୍ୟ କୈାଣସି ସୁଫଳ ମିଳିନଥିବା ଜଣାପଡ଼ିଛି । ଦୀର୍ଘଦିନ ହେବ ରହିଥିବା ଏହି ଅସୁବିଧା ଦୂର କରିବା ପାଇଁ ଆଜି ଜିଲ୍ଲାପାଳଙ୍କ ନିକଟରେ ଅଭିଯୋଗ ହୋଇଛି ।