ନୂଆଦିଲ୍ଲୀ, (ବାଘୁଆବାର୍ତ୍ତା): ପରିବେଶର ସୁରକ୍ଷା ଯାହା ପାଇଁ ଦିନରାତି ଏକ ଥିଲା ସେ ଆଉ ନାହାନ୍ତି । ସାରା ଜୀବନ ପରିବେଶ ସୁରକ୍ଷା ଦିଗରେ ନିଜ ଜୀବନକୁ ଜଳଞ୍ଜଳୀ ଦେଇ କାର୍ଯ୍ୟ କରି ଆସୁଥିବା ବିଶିଷ୍ଟ ପରିବେଶବିତ୍ ସୁନ୍ଦରଲାଲ ବହୁଗାଣା ଆଉ ନାହାନ୍ତି । କିଛିଦିନ ହେଲା କରୋନା ସଂକ୍ରମିତ ହୋଇ ଋଶିକେଶ ସ୍ଥିତ ଏମ୍ସ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ଆଜି ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୯୪ବର୍ଷ ହୋଇଥିବା ଜଣାପଡିଛି । ସୁନ୍ଦରଲାଲ ହିମାଳୟରରେ ଥିବା ଜଙ୍ଗଲ ଗୁଡିକର ସଂରକ୍ଷଣ ପାଇଁ ଦୀର୍ଘ ବର୍ଷ ହେଲା ଲଢେଇ କରୁଥିଲେ । ୧୯୭୦ ମସିହାରେ ଚିପକୋ ମୁଭମେଣ୍ଟ ଓ ୧୯୮୦ରେ ତେହରି ଡ୍ୟାମ ବିରୋଧ ଆନ୍ଦୋଳନରେ ସକ୍ରିୟ ହୋଇଥିଲେ । ଚିପକୋ ଆନ୍ଦୋଳନ ମାଧ୍ୟମ ସେ ଘରୱାଲ ଅଞ୍ଚଳରେ ଥିବା ଗାଁ ଲୋକଙ୍କୁ ମେଳି କରିଥିଲେ । ଉକ୍ତ ଅଞ୍ଚଳରେ ଥିବା ସମସ୍ତ ଗଛ ଗୁଡିକୁ କୁଣ୍ଢାଇବା ପାଇଁ କହିଥିଲେ । ତେହରୀ ଡ୍ୟାମ ପାଇଁ ଗଛ କାଟିବାର ଆବଶ୍ୟକ ହେଉଥିବାରୁ ଗଛ କଟାକୁ ବିରୋଧ କରି ସୁନ୍ଦରଲାଲ ସମସ୍ତ ଲୋକଙ୍କୁ ଉତ୍ସାହିତ କରି ଗଛକୁ କୁଣ୍ଢାଇ ଧରିବାକୁ କହିଥିଲେ । ଯାହାଫଳରେ ଗଛ କଟା ବନ୍ଦ ହୋଇଥିଲା । ଏହି ଆନ୍ଦୋଳନକୁ ଚିପକୋ ଆନ୍ଦୋଳନ ଭାବେ ପରିଚୟ ହାସଲ କରିଥିଲା । ପରିବେଶ ପ୍ରତି ରକ୍ଷଣା ବେକ୍ଷଣା ସହ ନିଜ ଜୀବନକୁ ପରିବେଶ ପାଇଁ ଉତ୍ସର୍ଗ କରିଥିବାରୁ ତାଙ୍କୁ ଭାରତ ସରକାର ୧୯୮୧ ମସିହାରେ ପଦ୍ମଶ୍ରୀ ଓ ୨୦୦୯ରେ ପଦ୍ମବିଭୂଷଣ ସମ୍ମାନରେ ସମ୍ମାନିତ କରାଯାଇଥିଲା । ପରିବେଶକୁ ଭଲ ପାଉଥିବା ବ୍ୟକ୍ତି ଆଜି ମହାମାରୀ କରୋନାରେ ଚାଲିଗଲେ । ତାଙ୍କର ଏହି ଦେହାନ୍ତ ହେବା ଖବର ପ୍ରସାରିତ ହେବା ପରେ ଉକ୍ତ ଅଞ୍ଚଳରେ ଶୋକାକୁଳ ପରିସ୍ଥିତି ସୃଷ୍ଟି ହୋଇଛି ।
