ଓରମାସ ପକ୍ଷରୁ ପ୍ରଶିକ୍ଷଣ ଶିବିର

ନୟାଗଡ଼,(ବାଘୁଆବାର୍ତ୍ତା): ଓରମାସ ଓ ମିଶନ ଶକ୍ତିର ମିଳିତ ଆନୂକୁଲ୍ୟରେ ନୟାଗଡ଼ ଡିପିଆରସି ସମ୍ମିଳନୀ କକ୍ଷରେ ମହିଳା ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । କର୍ମଶାଳାରେ ଉଦ୍ୟୋଗ ମିତ୍ର ସଂପର୍କରେ ଆଲୋଚନା କରାଯିବା ସହିତ ଉତ୍ପାଦକ ଗୋଷ୍ଠୀ ଓ ଉଦ୍ୟୋଗ ମିତ୍ରଙ୍କୁ ପ୍ରଶିକ୍ଷଣ ଦିଆଯାଇଥିଲା । ଆଜିର ଏହି ପ୍ରଶିକ୍ଷଣ ଶିବିରରେ ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ସୁବାଷ ଚନ୍ଦ୍ର ରାୟ ମୁଖ୍ୟଅତିଥି ଭାବେ ଯୋଗ ଦେଇ କର୍ମଶାଳାକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ଓରମାସର ଡେପୁଟି ସିଇଓ ପ୍ରବୀଣ କୁମାର ଝା, ଡିପିଏମ୍ ଓଏଲଏମ ସଞ୍ଜୟ ମହାପାତ୍ର, ଆରଏମସି ଇନାମ ପ୍ରଭାସ କୁମାର ସାହୁୁ, ଏସଡିସି କେଳୁଚରଣ ସେଠି, ଏପିଡି ସ୍କିଲ ଶିବପ୍ରସାଦ ଦାସ ପ୍ରମୁଖ ଯୋଗ ଦେଇଥିଲେ । ଏହି ପ୍ରଶିକ୍ଷଣ ଶିବିରରେ ୫୦ରୁ ଉର୍ଦ୍ଧ ଉତ୍ପାଦକ ଗୋଷ୍ଠୀର ସଭାପତି, ସଂପାଦକ ଓ ଉଦ୍ୟୋଗୀ ମିତ୍ରମାନେ ସାମିଲ ହୋଇଥିଲେ ।