ୱେବସାଇଟରେ ମିଳିବ କୋଭିଡ୍ ଟେଷ୍ଟ ରିପୋର୍ଟ

ଭୁବନେଶ୍ୱର, (ବାଘୁଆବାର୍ତ୍ତା): ରାଜ୍ୟରେ ମହାମାରୀ କରୋନା ହୁ ହୁ ହୋଇ ବଢିଚାଲିଛି । କୋଭିଡ୍ ଟେଷ୍ଟକୁ ବଢାଇବା ସହିତ ଜନସାଧାରଣ ରିପୋର୍ଟ କେମିତି ସହଜରେ ପାଇ ପାରିବେ ତାହାକୁ ନେଇ ଅନେକ ପଦକ୍ଷେପ ଗ୍ରହଣ କରି ରାଜ୍ୟ ସରକାର । ଏଣିକି ଅନଲାଇନ୍ ୱେବସାଇଟରେ କରୋନା ଟେଷ୍ଟ ରିପୋର୍ଟ ମିଳିବ । ଏ ସଂପର୍କରେ ସମସ୍ତ ସୁବିଧା ୱେବସାଇଟ୍ ଉପଲବ୍ଧ ହେବା ନେଇ ସୂଚନା ଦିଆଯାଇଛି । ଉଭୟ ଆଣ୍ଟିଜେନ୍ ଓ ଆରଟିପିସିଆର ଟେଷ୍ଟ ରିପୋର୍ଟ ୱେବସାଇଟରେ ମିଳିବ । ନୂତନ ବ୍ୟବସ୍ଥା ନେଇ ସୂଚନା ପ୍ରଯୁକ୍ତି ବିଭାଗର ସଚିବ ମନୋଜ ମିଶ୍ର ଆଜି ସୂଚନା ଦେଇଛନ୍ତି । ୱେବସାଇଟ୍ ହେଲା statedashboard.odisha.gov.in ଓ covid19odisha.gov.in ବ୍ୟବସ୍ଥା କରାଯାଇଛି । ୱେବସାଇଟକୁ ଯାଇ know your test report ଉପରେ କ୍ଲିକ୍ କେଲ ଏହା ପରେ ନମୂନା ସଂଗ୍ରହ ବେଳେ ଦେଇଥିବା ନିଜ ମୋବାଇଲ୍ ନମ୍ବର ଦେଇ କ୍ଲିକ୍ କଲେ ଏକ ଓଟିପି ଆସିବ । ଓଟିପିକୁ ସମ୍ବିଟ୍ କଲା ପରେ ଟେଷ୍ଟ ରିପୋର୍ଟ ସାଇଟରେ ଦେଖାଯିବ । ଟେଷ୍ଟ ଲ୍ୟାବରୁ ଗହଳି କମାଇବା ପାଇଁ ସ୍ୱାସ୍ଥ୍ୟ ଓ ଆଇଟି ବିଭାଗ ଏଭଳି ନିଷ୍ପତ୍ତି ନେଇଥିବା ସୂଚନା ମିଳିଛି ।