ଭୁବନେଶ୍ୱର,(ବାଘୁଆବାର୍ତ୍ତା): ଅଲଗା ଅଲଗା ନମ୍ବରକୁ ଆଉ ଫୋନ କରିବାକୁ ପଡିବନି । ସେଥିପାଇଁ ରାଜ୍ୟରେ ପ୍ରଚଳନ କରାଗଲା ନୂତନ ବ୍ୟବସ୍ଥା । ଗୋଟିଏ ନମ୍ବରକୁ ଲଗାଇଲେ ମିଳିବ ୩ଟି ଜରୁରୀ କାଳିନ ସେବା । ଏହି ନୂଆ ବ୍ୟବସ୍ଥାକୁ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସି ମାଧ୍ୟମରେ ସେବାର ଶୁଭାରମ୍ଭ କରିଛନ୍ତି । ନୂଆ ବ୍ୟବସ୍ଥା ପ୍ରଚଳନ ହେବା ପରେ ପୁଲିସ, ଦମକଳ ଓ ଆମ୍ବୁଲାନ୍ସ ଏହି ୩ଟି ସେବା ପାଇଁ ଗୋଟିଏ ନମ୍ବର ୧୧୨କୁ ଫୋନ କଲେ ୩ଟି ଜରୁରୀକାଳିନ ସେବା ପହଞ୍ôଚ ପାରିବା । ପୂର୍ବରୁ ଏହି ସେବା ଗୁଡିକ ପାଇବାକୁ ହେଲେ ୩ଟି ନମ୍ବରକୁ କଲ କରିବାକୁ ପଡୁଥିଲା । ଯାହାଫଳରେ ରାଜ୍ୟ ସରକାରଙ୍କ ଦୂରଦୃଷ୍ଟି ଯୋଗୁଁ ଏଥିରେ ବଡ଼ ପରିବର୍ତ୍ତନ ଆଣି ଆଜି ନୂତନ ବ୍ୟବସ୍ଥାର ଶୁଭାରମ୍ଭ କରିଥିବା ସୂଚନା ମିଳିଛି । ଏହି ସେବାରେ ମୁଖ୍ୟତଃ ମହିଳା ଓ ବରିଷ୍ଠ ନାଗରିକମାନେ ଉପକୃତ ହୋଇପାରିବେ ।
