ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ସୁନାମୁହିଁ ଗ୍ରାମର ଜଣେ ବ୍ୟକ୍ତିଙ୍କ ଆଜି ସନ୍ଦେହ ଜନକ ଅବସ୍ଥାରେ ମୃତ୍ୟୁ ଘଟିଛି । ଏହି ବ୍ୟକ୍ତି ଜଣଙ୍କ ଜଣେ ବ୍ୟବସାୟୀ । ସେ କିଛିଦିନ ହେବ ଅସୁସ୍ଥ ରହିଥିବା ବେଳେ ଆଜି ତାଙ୍କର ଦେହ ଭୀଷଣ ଖରାପ ହୋଇଥିଲା । ଏଣୁ ପରିବାର ଲୋକେ ତାଙ୍କୁ ପ୍ରଥମେ ଓଡ଼ଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ପରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିଲେ । ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ତାଙ୍କର ମୃତ୍ୟୁ ଘଟିଥିବା ଜଣାଯାଇଛି । ଡାକ୍ତରଙ୍କ ପରାମର୍ଶରେ ତାଙ୍କର ଶବ ବ୍ୟବଚ୍ଛେଦ କରାଯାଇଛି । ଏହି ବ୍ୟକ୍ତି ଜଣଙ୍କ ସୁନାମୁହିଁରୁ ଚିହ୍ନଟ ହୋଇଥିବା ବାହ୍ୟ କରୋନା ଆକ୍ରାନ୍ତଙ୍କ ନିକଟ ସଂମ୍ପର୍କୀୟ ହୋଇଥିବାରୁ ତାଙ୍କ ମୃତ୍ୟୁକୁ ନେଇ ଅଂଚଳରେ ନାନାଦି ଆଲୋଚନା ସୃଷ୍ଟି ହୋଇଛି ।
