ନୟାଗଡ଼, (ବାଘୁଆବାର୍ତ୍ତା) : ନୟାଗଡ଼ ଜିଲ୍ଲା ଟାଉନଥାନା ଅନ୍ତର୍ଗତ ମୁକ୍ତାପୁର ନିକଟରେ ଏକ ଟ୍ରାକ୍ଟର ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତକ ହେଲେ ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ଭୁକ୍ତାଭୁଇଁ ଗ୍ରାମର ଦେବରାଜ ନାୟକ । ସୂଚନାନୁସାରେ, ଦେବରାଜ ଏକ ଟ୍ରାକ୍ଟରରେ ଲେବର ଭାବେ କାମ କରୁଥିବା ବେଳେ ନୟାଗଡ଼ରେ ରହୁଥିଲେ । ଆଜି ଟ୍ରାକ୍ଟର ଗାଡ଼ିରେ କାମ କରିବା ପାଇଁ ସେ ଗାଡ଼ି ଡାଲାରେ ବସି ଯାଉଥିବା ବେଳେ ମୁକ୍ତାପୁର ନିକଟରେ ଟ୍ରାକ୍ଟରଟି ଏକ ବିଦ୍ୟୁତ ଖୁଣ୍ଟିରେ ଧକ୍କା ହୋଇ ଭାରସାମ୍ୟ ହରାଇଥିଲା । ଫଳରେ ରାସ୍ତା କଡ଼ରେ ଥିବା ଏକ ଖାଲକୁ ଗାଡ଼ି ଓଲଟିପଡ଼ିବା ଫଳରେ ଚକା ତଳେ ପଡ଼ି ଦେବରାଜ ଗୁରୁତର ହୋଇପଡ଼ିଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତୀ କରିଥିବା ବେଳେ ଡାକ୍ତର ମୃତ ଘୋଷଣା କରିଛନ୍ତି । ପୁଲିସ ପହଂଚି ଶବ ଜବତ କରିବା ସହ ବ୍ୟବେଚ୍ଛଦ ପାଇଁ ପଠାଇଥିବା ଜଣାପଡ଼ିଛି ।
