ରାଜ୍ୟ ସ୍ତରୀୟ ଯୁବ ମହୋତ୍ସବ

ନୟାଗଡ଼, (ବାଘୁଆବାର୍ତ୍ଥା) : ଭଦ୍ରକଠାରେ ରାଜ୍ୟସ୍ତରୀୟ ୨୫ତମ ଯୁବ ମହୋତ୍ସବ ୧୮ରୁ ୨୧ ତିନିଦିନ ଧରି ଅନୁଷ୍ଠିତ ହୋଇଥିଲା । ଏହି ମହୋତ୍ସବରେ ନୟାଗଡ଼ ଜିଲ୍ଲାରୁ ପ୍ରତିନିଧିତ୍ୱ କରୁଥିବା ଓଡ଼ିଶୀ ନୃତ୍ୟ ଶିଳ୍ପୀ ମୀରାବାଳା ସାମନ୍ତରାୟ ତୃତୀୟ ସ୍ଥାନ ଅଧିକାର କରିଥିବା ଜଣାପଡ଼ିଛି । ନୟାଗଡ଼ ଜିଲ୍ଲା ରଣପୁର ମହିଳା ମହାବିଦ୍ୟାଳୟର ଛାତ୍ରୀ ମୀରାବାଳା +୩ ପ୍ରଥମବର୍ଷରେ ପଢ଼ୁଥିବା ବେଳେ ତାଙ୍କ ଘର ରାଜନଗର ଗ୍ରାମରେ । କେଦାରନାଥ ସାମନ୍ତରାୟଙ୍କ ଝିଅ ମୀରାବାଳାଙ୍କ ଏହି ସଫଳତାକୁ ନେଇ ତାଙ୍କ ସହପାଠିନୀ ଏବଂ ଅଧ୍ୟାପକ, ଅଧ୍ୟାପିକା ଖୁସି ବ୍ୟକ୍ତ କରିଥିବା ବେଳେ ନୟାଗଡ଼ ଜିଲ୍ଲା କ୍ରୀଡ଼ା ଅଧିକାରିଣୀ ସୁଜାତା ସାହୁ ତାଙ୍କୁ ଶୁଭେଚ୍ଛା ଜଣାଇଛନ୍ତି ।