ଭଦ୍ରକ, (ବାଘୁଆବାର୍ତ୍ତା): ସୂଚନା ଅଧିକାର ଆଇନ ସମ୍ପର୍କରେ ଜନସଚେତନତା ସୃଷ୍ଟି ପାଇଁ ଓଡିଶା ସୂଚନା ଅଧିକାର ଅଭିଯାନର ଭଦ୍ରକ ଶାଖା ତରଫରୁ ୫ ଦିନ ବ୍ୟାପି ଦୁର୍ନୀତି ପ୍ରତିରୋଧ ଅଭିଯାନ ଚାଲିଛି । ଅକ୍ଟୋବର ୧ ତାରିଖରୁ ଆରମ୍ଭ ଏହି ଅଭିଯାନ ଅକ୍ଟୋବର ୫ ତାରିଖ ପର୍ୟ୍ୟନ୍ତ ଚାଲିଛି । ସୂଚନା ଆଇନର ବ୍ୟାପକ ବ୍ୟବହାର ଓ ଓଡିଶାକୁ ଏକ ସ୍ୱଚ୍ଚ , ନିର୍ମଳ ଓ ଦୁର୍ନୀତିମୁକ୍ତ ରାଜ୍ୟ ଭାବେ ଗଢିବା ପାଇଁ ଏହି ଅଭିଯାନ ଆରମ୍ଭ ହୋଇଛି । ଭଦ୍ରକ ବ୍ଲକ କାର୍ୟ୍ୟାଳୟ ସମ୍ମୁଖରେ ସୂଚନା ଅଧିକାର କର୍ମୀ ମାନେ ଅଭିଯାନ ଆରମ୍ଭ କରିଛନ୍ତି । ତେବେ ଆବାହକ ପ୍ରଦୀପ ପ୍ରଧାନ ଙ୍କ ଉପରେ ହୋଇଥିବା ମିଥ୍ୟା ମକଦମାକୁ ପ୍ରତ୍ୟାହାର ଦାବି କରିଛନ୍ତି ।
