ଭାଷା ଆନ୍ଦୋଳନ ସମିତି ନୟାଗଡ଼
ନୟାଗଡ଼,(ବାଘୁଆବାର୍ତ୍ତା ବ୍ୟୁରୋ): ଓଡିଆ ଭାଷା, ସାହିତ୍ୟ ଓ ସଂସ୍କୃତିର ପ୍ରଚାର ପ୍ରସାର ସାଙ୍ଗକୁ ଓଡିଶାରେ ଓଡିଆ ଭାଷାରେ ଶାସନ ଲାଗୁ କରିବା ଉଦ୍ଦେଶ୍ୟରେ ବିଗତ ୩ ବର୍ଷ ତଳେ ନୟାଗଡ ଭାଷା ଆନ୍ଦୋଳନ ସମିତି ଜନ୍ମଲାଭ କରିଥିଲା । ନୟାଗଡ ଜିଲ୍ଲାର ସମସ୍ତ ସରକାରୀ ଦପ୍ତରରେ ଓଡିଆ ଭାଷାର ବହୁଳ ବ୍ୟବହାର, ବିଜ୍ଞାପନ ଫଳକରେ ଓଡିଆ ଭାଷାରେ ଲେଖିବା ବାଧ୍ୟତାମୂଳକ, ସରକାରୀ ଫଳକରେ ଓଡିଆ ଭାଷାର ନିର୍ଭୁଲ୍ ବ୍ୟବହାର ଏବଂ ନୟାଗଡ ଜିଲ୍ଲାରେ ଓଡିଆ ବିଶ୍ୱବିଦ୍ୟାଳୟ ଆଦି ପ୍ରତିଷ୍ଠା ଦାବି ନେଇ ନୟାଗଡ ଭାଷା ଅନ୍ଦୋଳନ ସମିତି ନୟାଗଡରେ ଭାଷା ଆନ୍ଦୋଳନକୁ ସକ୍ରିୟ କରିବା ସହ ଓଡିଆ ଭାଷାର ବହୁଳ ପ୍ରଚାର ପ୍ରସାର ଦିଗରେ ପ୍ରଶାସନ ଉପରେ ଚାପ ପକାଇବା । ନୟାଗଡର ଭାଷା, ସାହିତ୍ୟ ଓ ସଂସ୍କୃତିର ବରେଣ୍ୟ ପ୍ରତିଭାମାନଙ୍କୁ ଜିଲ୍ଲା ତଥା ରାଜ୍ୟ ସ୍ତରରେ ସରକାରୀ ଓ ବେସରକାରୀ ଅନୁଷ୍ଠାନମାନେ ଅସମ୍ମାନିତ କରୁଥିବା ହୃଦ୍ବୋଧ କରିବା ସହ ଓଡିଶା ସରକାରଙ୍କ ଭାଷା ସୁରକ୍ଷା ଆଇନକୁ ନୟାଗଡ ଜିଲ୍ଲାର ସରକାରୀ ଅଧିକାରୀମାନେ ମାନୁନଥିବାରୁ ଆଜି ଏକ ସାମ୍ବାଦିକ ସମ୍ମିଳନୀରେ ଭାଷା ଆନ୍ଦୋଳନ ସମିତି ନୟାଗଡ଼ ପକ୍ଷରୁ ଆବାହକ ଶିବରାମ ମହାପାତ୍ର ଓ ଚନ୍ଦ୍ରବିଜୟୀ ମିଶ୍ର ଦାବି କରିଛନ୍ତି ।
