ନୟାଗଡ଼,(ବାଘୁଆବାର୍ତ୍ତା): ଓଡ଼ଗାଁ ସରସ୍ୱତୀ ଶିଶୁ ବିଦ୍ୟା ମନ୍ଦିରର ବାର୍ଷିକ ଉତ୍ସବ ଅବସରରେ ମୁଖ୍ୟ ଅତିଥି ଭାବେ ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ଓ ପ୍ରାଣୀ ସଂପଦ ଏବଂ ଉଚ୍ଚଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗ ଦେଇଥିଲେ । ତାଙ୍କ ସହିତ ସ୍ଥାନୀୟ ଜିଲ୍ଲା ପରିଷଦ ବିଭୂପ୍ରସାଦ ସାହୁ, ଲୋକନାଥ ସାହୁ, ପୁରୀ ବିଭାଗ ସଦସ୍ୟ ଚନ୍ଦ୍ରଭାନୁ ବରାଡ଼ ଯୋଗଦେଇଥିଲେ । ମନ୍ତ୍ରୀ ଡ. ସାହୁ ତାଙ୍କ ବକ୍ତବ୍ୟରେ ଛାତ୍ରଛାତ୍ରୀମାନଙ୍କ ଭବିଷ୍ୟତ ନିର୍ମାଣ ସଂମ୍ପର୍କରେ ବାର୍ତ୍ତା ଦେଇ ନିଜର ପାଠ୍ୟ ପୁସ୍ତକ ସହିତ ଅନ୍ତର୍ନିହିତ ଗୁଣକୁ କିପରି ବାହାରେ ପରିପ୍ରକାଶ କରିହେବ ଏହା ଉପରେ ଶିକ୍ଷକ, ଶିକ୍ଷୟତ୍ରୀ ଓ ଅଭିଭାବକମାନେ ଗୁରୁତ୍ୱ ଦେବାର ଆବଶ୍ୟକତା ରହିଥିବା କହିଥିଲେ । ଏକ ପୂର୍ଣ୍ଣାଙ୍ଗ ସମାଜ ଗଠନ କରିବାକୁ ହେଲେ ଛାତ୍ରଛାତ୍ରୀମାନଙ୍କୁ ଏଭଳି ଶିକ୍ଷା ଦିଆଯିବା ଦରକାର ଯେଉଁଥିରେ ଛାତ୍ରଛାତ୍ରୀଟିଏ ତାହାର ଭବିଷ୍ୟତ ନିର୍ମାଣ କରି ପାରିବ ବୋଲି ସେ କହିଥିଲେ । ଶିକ୍ଷା ସହିତ ସ୍ୱାସ୍ଥ୍ୟ ପରିବେଶର ବାର୍ତ୍ତା ଦେଇଥିଲେ । ଏହି ଉତ୍ସବରେ ପ୍ରଧାନ ଆଚାର୍ଯ୍ୟଙ୍କ ସମେତ, ବିଦ୍ୟା ମନ୍ଦିରର ଶିକ୍ଷକ, ଶିକ୍ଷୟତ୍ରୀ ଏବଂ ଅଭିଭାବକମାନେ ଯୋଗ ଦେଇଥିଲେ । ଶେଷରେ ଛାତ୍ରଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଭବିଷ୍ୟତ ନିର୍ମାଣ ସଂମ୍ପର୍କରେ ବାର୍ତ୍ତା ଦେଲେ ମନ୍ତ୍ରୀ
