ରୋହିବାଙ୍କ ଉଚ୍ଚ ବିଦ୍ୟାଳୟରେ ଆନ୍ତର୍ଜାତୀୟ ଯୋଗ ଦିବସ
ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ସୁସ୍ଥ ଶରୀର ପାଇଁ ଯୋଗ ଓ ବ୍ୟାୟାମ ନିତ୍ୟାନ୍ତ ଆବଶ୍ୟକ। ସୁସ୍ଥ ଶରୀର ସୁସ୍ଥ ମନ ସୃଷ୍ଟି କରେ ଯାହା କି ବିଦ୍ୟାର୍ଥୀ ମାନଙ୍କ ପାଇଁ ଅତି ଜରୁରୀ। ସେଥିପାଇଁ ପ୍ରତି ବିଦ୍ୟାଳୟରେ ଶାରୀରିକ କ୍ରୀଡା ଶିକ୍ଷକ ନିଯୁକ୍ତି କରାଯାଇଛି। ଆଜି ଆନ୍ତର୍ଜାତୀୟ ଯୋଗ ଦିବସ ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ସରକାରୀ ଉଚ୍ଚ ବିଦ୍ୟାଳୟ ରୋହିବାଙ୍କ ରେ ପାଳିତ ହୋଇ ସାରିଛି। ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବିଷ୍ଣୁପ୍ରିୟା ବାରିକ ଙ୍କ ନିର୍ଦେଶ କ୍ରମେ କ୍ରୀଡା ଶିକ୍ଷକ ଆଲୋକ ନାୟକ ଓ ସହଯୋଗୀ ଶିକ୍ଷକ ପ୍ରକୃତି ବନ୍ଧୁ ସନ୍ତୋଷ କୁମାର ସାହୁ ପ୍ରାୟ ଉପସ୍ଥିତ ୨୮୭ ଜଣ ଛାତ୍ର ଛାତ୍ରୀଙ୍କୁ ନେଇ ବିଦ୍ୟାଳୟ ବଡ଼ ପଡିଆରେ ଯୋଗ ଦିବସ ପାଳନ କରାଯାଇଥିଲା।
ସମସ୍ତ ଛାତ୍ରଛାତ୍ରୀମାନଙ୍କୁ ବିଭିନ୍ନ ପ୍ରାଣାୟାମ କରାଯାଇଥିଲା। ପ୍ରକୃତି ବନ୍ଧୁ ଶ୍ରୀ ସାହୁ ସୁସ୍ଥ ପାଇଁ ଯୋଗ ଯେପରି ଅତି ଦରକାରୀ ସେହିପରି ସୁସ୍ଥ ଶରୀରପାଇଁ ସୁସ୍ଥ ପରିବେଶ ଅତି ଦରକାର ଅଟେ। ସୁସ୍ଥ ପରିବେଶ ପାଇଁ ଏକମାତ୍ର ଉପାୟ ବୃକ୍ଷ ରୋପଣ ଓ ତାର ଯତ୍ନ। ଏହା କଲେ ଯାଇ ପୃଥିବୀ ଶୀତଳ ସହିତ ସୁସ୍ଥ ପରିବେଶ ଗଠନ ହୋଇ ପାରିବବୋଲି କୋମଳ ମତି ପିଲାଙ୍କୁ ବାର୍ତ୍ତା ପ୍ରେରଣ କରିଥିଲେ। ଶେଷରେ ସମସ୍ତ ଛାତ୍ର ଛାତ୍ରୀ ଙ୍କୁ ନେଇ ପ୍ରତି ଦିନ ସକାଳୁ ଉଠି ନିତ୍ୟକ୍ରମ ସାରି ଅତି କମରେ ୧୫ ମିନିଟି ନିଜ ଶରୀର ପାଇଁ ଯୋଗ କରିବା ଓ ନିଜ ପରିବାର କୁ ଏଥିରେ ସାମିଲ କରାଇ ବାକୁ କହିବା ନେଇ ଏକ ଶପଥ ପାଠ କରାଯାଇଥିଲା। ସମସ୍ତ କାର୍ଯ୍ୟକ୍ରମକୁ ବିଦ୍ୟାଳୟ ର ଶିକ୍ଷୟିତ୍ରୀ ପ୍ରିୟଦର୍ଶିନୀ ମହାପାତ୍ର, ସୁନିତା ବେହେରା ପଦ୍ମିନୀ ନାୟକ, ବିଜୟ ଲକ୍ଷ୍ମୀ ଦଳେଇ ଶିକ୍ଷକ ରାଧାଗୋବିନ୍ଦ ନାୟକ, ସୂର୍ଯ୍ୟମଣି ନାୟକ, ସନ୍ତୋଷ ନାହାକ,ଓ ଖୋଗେଶ୍ୱର ବେହେରା ଆଦି ସହଯୋଗ କରିଥିଲେ।
