ଗାଦି ଛାଡ଼ିବା ବଦଳରେ ଓଡ଼ଗାଁ ରେଞ୍ଜରଙ୍କ ବହପ, ଖବର ସଂଗ୍ରହ କରିବାକୁ ଯାଇଥିବା ସାମ୍ବାଦିକଙ୍କ ନାମରେ ଏତଲା

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବନଖଣ୍ଡ ଓଡ଼ଗାଁ ବନାଞ୍ଚଳ ଶିଙ୍ଗାରପଲ୍ଲୀ ପଞ୍ଚାୟତ ଅନ୍ତର୍ଗତ ଆମ୍ବପଡା ଗ୍ରାମବାସୀ ରେଞ୍ଜର ଅଫିସକୁ ଅଭିଯୋଗ କରିବାକୁ ଆସିଥିଲେ। ଓଡ଼ଗାଁ ରେଞ୍ଜର ଆଶିଷ କୁମାର କହଁର ସେମାନଙ୍କୁ ର୍ଦୁବ୍ୟବହାର କଲେ । ଫଳରେ ଗ୍ରାମବାସୀ ରେଞ୍ଜର ଅଫିସ ଆଗରେ ଧାରଣା ଦେଇଥିଲେ। ଏହି ଖବର ସଂଗ୍ରହ କରିବାକୁ ଯାଇଥିବା ସାମ୍ବାଦିକଙ୍କୁ ମଧ୍ଯ ରେଞ୍ଜର ର୍ଦୁବ୍ୟବହାର କରିଥିଲେ। ତମେ କିଏ ମୁଁ ଜାଣିନି ବୋଲି କହି ବାହାରକୁ ଚାଲିଯିବାକୁ ଧମକ ଦେଇଥିଲେ । ଘଟଣା ସ୍ଥଳରେ ଓଡ଼ଗାଁ ଥାନା ଅଧିକାରୀ ପହଞ୍ଚି ବୁଝା ଶୁଝା କରିବା ପରେ ପରିସ୍ଥିତି ଶାନ୍ତ ହୋଇଥିଲା। ମାତ୍ରା ସଂଧ୍ୟାରେ ଓଡ଼ଗାଁ ରେଞ୍ଜର ଆକ୍ରୋଶ ମୂଳକ ଭାବେ କିଛି ସାମ୍ବାଦିକ ଓ ଗ୍ରାମବାସୀଙ୍କ ନାମରେ ଓଡ଼ଗାଁ ଥାନାରେ ଏତଲା ଦେଇଥିବା ଜଣାଯାଇଛି। ଓଡ଼ଗାଁ ରେଞ୍ଜରଙ୍କର ଅନ୍ୟ ଜିଲ୍ଲାକୁ ବଦଳି ହୋଇଥିବା ବେଳେ ଗାଦି ଛାଡ଼ିବା ବଦଳରେ ସେ ବହପ ଦେଖାଉଥିବା ମତ ପ୍ରକାଶ ପାଇଛି। ସାମ୍ବାଦିକଙ୍କ ଉପରେ ଆକ୍ରୋଶ ମୂଳକ ଏତଲାକୁ ଜିଲ୍ଲାର ବରିଷ୍ଠ ସାମ୍ବାଦିକମାନେ ନିନ୍ଦା କରିଛନ୍ତି। ଓଡ଼ଗାଁ ରେଞ୍ଜରଙ୍କୁ ଜିଲ୍ଲାରୁ ବିତାଡିତ ଦାବିରେ ଏକ ବଡ଼ ଧରଣର ଆନ୍ଦୋଳନ ପାଇଁ ସାମ୍ବାଦିକମାନେ ସଜବାଜ ହେଉଥିବା ସୂଚନା ମିଳିଛି।