ନୟାଗଡ଼, (ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଅନ୍ତର୍ଗତ ଓଡ଼ଗାଁ ଥାନା ବାହାଡ଼ାଝୋଲା ଫାଣ୍ଡି ନୂଆଗାଁ ବ୍ଳକ ବେରୁହାଁବାରି ଗ୍ରାମପଞ୍ଚାୟତ ସରପଞ୍ଚ ସୁଶାନ୍ତ କୁମାର ସାହୁଙ୍କ ନାମରେ ସଙ୍ଗିନୀ ଅଭିଯୋଗ । ପରକିଆ ପ୍ରିତିରେ ଲିପ୍ତ ରହିଥିବା ସନ୍ଦେହ କରି ସ୍ତ୍ରୀ ସଂଯୁକ୍ତା ବେହେରା ଥାନାର ଦ୍ୱାରସ୍ଥ ହୋଇଛନ୍ତି । ଗତ ୫ ତାରିଖରେ ସୁଶାନ୍ତ ଉତ୍ୟକ୍ତ ହୋଇ ସନ୍ଧ୍ୟାରେ ସ୍ତ୍ରୀ ସଂଯୁକ୍ତାଙ୍କୁ ଅଶ୍ଳିଳ ଭାଷାରେ ଗାଳିଗୁଲଜ କରିବା ସହିତ ମରଣାନ୍ତକ ଆକ୍ରମଣ କରିଥିବା ନେଇ ଓଡ଼ଗାଁ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଭିତିରେ ଓଡ଼ଗାଁ ପୋଲିସ ୬ ତାରିଖରେ ୯୫/୨୩ରେ ମାମଲା ରୁଜୁ କରିଥିଲେ। ପୋଲିସ ଧାରା ୪୧ରେ ସୁଶାନ୍ତଙ୍କୁ ନୋଟିସ ଜାରି କରିଥିବା ବେଳେ ମାମଲା ସମ୍ପର୍କରେ ଅନୁଧ୍ୟାନ ଚାଲୁ ରହିଛି। ଅନ୍ୟପକ୍ଷରେ ଗତ ୧୭ ତାରିଖ ଶନିବାର ସକାଳ ୭ଟା ଠାରୁ ରାତି ୯ଟା ପର୍ୟ୍ୟନ୍ତ ସରପଞ୍ଚ ସୁଶାନ୍ତ ପତ୍ନୀ ସଂଯୁକ୍ତାଙ୍କୁ ଗୋଟିଏ ଘରେ ଅଟକ ରଖି ଅମାନୁଷିକ ଭାବେ ଅତ୍ୟାଚାର କରିବା ସହିତ କରେଣ୍ଟ ସକ୍ ଦେଇ ମାରିଦେବାକୁ ଉଦ୍ୟମ କରୁଥିବା ସଂଯୁକ୍ତା ଓଡ଼ଗାଁ ରବିବାର ଅନ୍ୟ ଏକ ଅଭିଯୋଗ କରିଛନ୍ତି। ତେବେ ଖବର ପାଇ ଓଡ଼ଗାଁ ପୋଲିସ ଶନିବାର ରାତି ୧୧ଟାସମୟରେ ସଂଯୁକ୍ତାଙ୍କ ନିକଟରେ ପହଞ୍ଚିଥିଲେ। ରବିବାର ସକାଳୁ ସରପଞ୍ଚ ସୁଶାନ୍ତଙ୍କୁ ପୋଲିସ ଥାନାରେ ଅଟକ ରଖିଛି । ସୁଚନାନୁସାରେ ଦିର୍ଘଦିନଧରି ସ୍ବାମୀ ସ୍ତ୍ରୀ ମଧ୍ୟରେ କୌଣସି ସମ୍ପର୍କ ରହୁନଥିବା ବେଳେ ତାଙ୍କ ପ୍ରତି ଅବହେଳା କରାଯିବା ଏବଂ ଶାରୀରିକ ଓ ମାନସିକ ସ୍ତରରେ ନିର୍ୟାତନା ଦିଆଯାଉଥିବା ଘଟଣାକୁ ନେଇ ସବୁବେଳେ ସୁଶାନ୍ତଙ୍କ ପରିବାର ମଧ୍ୟରେ ସମସ୍ୟା ଲାଗି ରହିଥାଏ ।





