ଯାଞ୍ଚ କମିଟି ଦ୍ୱାରା ଶିଶୁ ଖାଦ୍ୟ ବଣ୍ଟନ

ଓଡ଼ଗାଁ, (ବାଘୁଆବାର୍ତ୍ତା) : ଓଡ଼ଗାଁ ଏନ.ଏସି ଅନ୍ତର୍ଗତ ୫ ନଂ ୱାର୍ଡର ୩ ନଂ ଅଙ୍ଗନବାଡି କେନ୍ଦ୍ରରେ ଗର୍ଭବତୀ ଏବଂ ପ୍ରସୂତି ମହିଳା ,୬ମାସରୁ ତିନି ମାସର ଶିଶୁ ମାନଙ୍କ ନିମିତ୍ତ ଉଦିଷ୍ଟ ଥିବା ପରିପୁରକ ପୃଷ୍ଟିକର ଖାଦ୍ୟ ବଣ୍ଟନରେ ଅନିୟମିତତା ଯୋଗୁଁ ବାରମ୍ବାର ଅଭିଭାବକମାନେ ଏ ସମ୍ବନ୍ଧରେ ସମନ୍ୱିତ ଶିଶୁ ବିକାଶ ଅଧିକାରିଣୀଙ୍କ ଦୃଷ୍ଟିଗୋଚରକୁ ଆଣିଥିଲେ । ଆଜି ସମନ୍ୱିତ ଶିଶୁ ବିକାଶ ଅଧିକାରିଣୀ ଲହଡିମାଳା ପ୍ରଧାନଙ୍କ ନିର୍ଦେଶକ୍ରମେ ଯାଞ୍ଚ କମିଟି ଦ୍ୱାରା ସୁପର ଭାଇଜର ପ୍ରଭାସିନୀ ମହାପାତ୍ରଙ୍କ ଉପସ୍ଥିତିରେ ୩୬ ଜଣ ଶିଶୁ ଏବଂ ୨୭ଜଣ ପ୍ରସୃତି ମହିଳାଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଇଅଛି ।ଯାହା ଫଳରେ ସ୍ଥାନୀୟ ଅଭିଭାବକମାନେ ସମନ୍ୱିତ ଶିଶୁ ବିକାଶ ଅଧିକାରିଣୀଙ୍କ ଧନ୍ୟବାଦ ଅର୍ପଣ କରିଛନ୍ତି । ଆଜିର ଏହି ବଣ୍ଟନ ସମୟରେ ଯାଞ୍ଚ କମିଟି ସଦସ୍ୟ ପ୍ରମୋଦ ସାହୁ ,କୁଳମଣି ମହାରଣା ଏବଂ ଜୟନ୍ତୀ ସାହୁ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ – ଓଡ଼ଗାଁରୁ ଅର୍ଜୁନ ସାହୁ