ଭିନ୍ନକ୍ଷମଙ୍କୁ ନୂତନ ମଡେଲ ହ୍ବିଲଚେୟାର ପ୍ରଦାନ

ଓଡ଼ଗାଁ,(ବାଘୁଆବାର୍ତ୍ତା): ଓଡ଼ଗାଁ ବ୍ଲକ ପ୍ରଶାସନ ପକ୍ଷରୁ ଜଣେ ଭିନ୍ନକ୍ଷମଙ୍କୁ ନୂତନ ମଡେଲ ହ୍ବିଲ ଚେୟାର ମାଗଣାରେ ପ୍ରଦାନ କରାଯାଇଛି । ଭିନ୍ନକ୍ଷମ ଜଣଙ୍କ ହେଲେ କୁରାଳ ଗ୍ରାପ ହନୁମନ୍ତିଆ ଗ୍ରାମ ତୋଟାସାହିର ଭିକାରୀ ନାୟକ । ଭିନ୍ନକ୍ଷମ ଜଣଙ୍କୁ ନୂତନ ମଡେଲ ହ୍ବିଲ ଚେୟାର ଯୋଗାଇ ଦେବା ନିମନ୍ତେ ମାନ୍ୟବର ମନ୍ତ୍ରୀ ତଥା ବିଧାୟକ ଡଃ ଅରୁଣ କୁମାର ସାହୁ ବ୍ଲକ ପ୍ରଶାସନକୁ ନିର୍ଦ୍ଦେଶ ଦେଇଥିଲେ । ଉକ୍ତ ଯାନ ମଧ୍ୟରେ ବସି ରହି ନିଜର ମଳମୂତ୍ର ତ୍ୟାଗ କରିବା ସହ ଖାଦ୍ୟ ଖାଇବାର ସୁବିଧା ରହିଅଛି । ବଜାରରେ ଉକ୍ତ ଯାନର ମୂଲ୍ୟ ୧୫ ହଜାରରୁ ଉର୍ଦ୍ଧ୍ବଟଙ୍କା ଅଟେ । ବ୍ଲକ ସାମାଜିକ ସୁରକ୍ଷା ଅଧିକାରୀ ରାଜସ୍ୱିନୀ ପ୍ରଧାନଙ୍କ ଉପସ୍ଥିତିରେ କୁରାଳ ସରପଞ୍ଚଙ୍କ ପ୍ରତିନିଧି ପ୍ରଭାତ ପ୍ରଧାନ ଏବଂ ପ୍ରୋଗ୍ରାମ ଆଶିଷ୍ଟାଣ୍ଟ ନୀଳମାଧବ ମିଶ୍ରଙ୍କ ସହଯୋଗରେ ଏହି ବଣ୍ଟନ ହୋଇଥିଲା।