ଓଡ଼ଗାଁ,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ଶରଣକୁଳ ଥାନା ଅନ୍ତର୍ଗତ ପଞ୍ଚରିଡ଼ା ମାନପୁର ପଞ୍ଚାୟତର ମାନପୁର ଗାଁରେ ଆଜି ମଧ୍ୟାହ୍ନରେ ଏକ ବିସ୍ଫୋରଣ ଘଟିଥିବା ବେଳେ ଢଳେଇ କଂକ୍ରିଟ ରାସ୍ତା ଫାଟି ଯାଇଥିବା ଦେଖା ଯାଇଛି । ଦିନ ୨ଟା ବେଳେ ପ୍ରଚଣ୍ଡ ଶଦ୍ଦ କରି ଏକ ବିସ୍ଫୋରଣ ଘଟିଥିଲା । ସ୍ଥାନୀୟ ଲୋକେ ଭୟଭୀତ ଅବସ୍ଥାରେ ଉକ୍ତ ସ୍ଥାନରେ ପହଞ୍ଚିବା ବେଳକୁ ରାସ୍ତାଟି ଫାଟି ଯାଇଥିବା ଦେଖିବାକୁ ମିଳିଥିଲା । ରାସ୍ତା ଫାଟିବାର କାରଣକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଲାଗିଥିବା ବେଳେ ପାଖରେ ଥିବା ନଳକୂପ କିମ୍ବା ଅଧିକ ତାପମାତ୍ର ଏହାର କାରଣ ହୋଇପାରେ ବୋଲି ଆଲୋଚନା ହେଇଛି ।
