ଓଡ଼ଗାଁ,(ବାଘୁଆବାର୍ତ୍ତା):ବର୍ତ୍ତମାନ ସମଗ୍ର ଦେଶରେ କରୋନା ଭାଇରସର ଦ୍ଵିତୀୟ ଲହର ଫଳରେ ଆକ୍ରାନ୍ତଙ୍କର ସଂଖ୍ୟା ହୁହୁ ହୋଇ ବଢ଼ୁଥିବାବେଳେ ପ୍ରଶାସନ ତରଫରୁ ଜନସାଧାରଣଙ୍କୁ ସତର୍କ ତଥା ସଚେତନତା କରାଯାଉଅଛି। ଗତକାଲି ଓଡ଼ଗାଁ ଆଦର୍ଶ ଥାନା ପୋଲିସ ପକ୍ଷରୁ କରୋନା କଟକଣା ଅନୁପାଳନପୂର୍ବକ ମାସ୍କ ପିନ୍ଧିବା ବାଧ୍ୟତାମୂଳକ ଏବଂ ରାତି ୯ଟାରୁ ସକାଳ ୫ଘଟିକା ପର୍ଯ୍ୟନ୍ତ ନାଇଟ କର୍ଫୁ ଜାରିକରାଯାଇଛି।ତତ୍ସଙ୍ଗସଙ୍ଗେ ଦୋକାନୀମାନେ କେବଳ ରାତି ୯ଟା ପର୍ଯ୍ୟନ୍ତ ଦୋକାନ ଖୋଲା ରଖିବେ ଏଥିରେ ଅବମାନନା କରୁଥିବା ଦୋକାନିଙ୍କ ଲାଇସେନ୍ସ ରଦ୍ଦ କରାଯିବା ସହ ଦୋକାନ ସିଲକରାଯିବ ବୋଲି ଚେତାବନୀ ମଧ୍ୟ ଦିଆଯାଇଛି। ଫାଇନ ଆଦାୟ ସହ ପୁଲିସ ପକ୍ଷରୁ ମାମଲା ରୁଜୁ କରାଯିବ ବୋଲି ଡ଼ାକବାଜି ଯନ୍ତ୍ର ମାଧ୍ୟମରେ କଡା ତାଗିଦ କରାଯାଇଅଛି।ଗତକାଲି ରାତ୍ରି ଚେକିଙ୍ଗ ସମୟରେ ତହସିଲଦାର ବିଜୟିତା ସାମନ୍ତସିଂହାରଙ୍କ ଉପସ୍ଥିତିରେ ହନୁମାନ ଛକ ନିକଟରେ ମାସ୍କ ଚେକିଙ୍ଗ କରାଯାଇଛି ।ଏହି ବାବଦରେ ଅମାନିଆଁମାନଙ୍କୁ ଠାରୁ ୫୧୦୦ଟଙ୍କା ଆଦାୟ କରାଯାଇଛି ବୋଲି ପୁଲିସ ସୂତ୍ରରୁ ଜଣାପଡ଼ିଛି । ଆଗାମୀ ଦିନରେ ଏହି କଟକଣା ଯାଞ୍ଚକୁ କଡାକଡି କରାଯିବ ବୋଲି ସୂଚନା ମିଳିଅଛି ।
