ନୟାଗଡ଼, (ବାଘୁଆବାର୍ତ୍ତା) : ରାଜ୍ୟ ସରକାର କିଛି ଦିନ ତଳେ କ୍ରାଇମବ୍ରାଞ୍ଚରୁ ନୟାଗଡ଼ ଜିଲ୍ଲାକୁ ବଦଳି କରିଥିବା ପ୍ରଜ୍ଞା ପାରମିତା ଜେନା ନୟାଗଡ଼ ପୁଲିସ ମୁଖ୍ୟାଳୟରେ ପହଂଚି କାର୍ଯ୍ୟରେ ଯୋଗ ଦେଇଛନ୍ତି । ତାଙ୍କୁ ଓଡ଼ଗାଁ ଥାନା ଅଧିକାରୀ ଭାବେ ଜିଲ୍ଲା ଆରକ୍ଷୀ ଅଧିକ୍ଷକ ପ୍ରତ୍ୟୁଷ ଦିୱାକର ନିଯୁକ୍ତି ଦେଇଥିବା ଜଣାଯାଇଛି । ଆସନ୍ତାକାଲି ସେ ଓଡ଼ଗାଁ ଥାନାରେ ପହଂଚି ବିଧିବଧ ଭାବେ ଦାୟିତ୍ୱ ଗ୍ରହଣ କରିବେ ବୋଲି ଜଣାଯାଇଛି । ନୟାଗଡ଼ ଜିଲ୍ଲା ଓଡ଼ଗାଁ ଥାନା ଜିଲ୍ଲାର ଏକମାତ୍ର ଆଦର୍ଶ ଥାନା ହୋଇଥିବା ବେଳେ କିଛିମାସ ହେଲା ଏହି ଥାନାରେ କେହି ଆଇଆଇସି ନଥିଲେ । ଭାରପ୍ରାପ୍ତ ଥାନା ଅଧିକାରୀ ଥାନା ଦାୟିତ୍ୱ ସମ୍ଭାଳୁଥିବା ବେଳେ ଓଡ଼ଗାଁରେ ଆଇଆଇସି ନିଯୁକ୍ତି କରିବା ନେଇ ବାରମ୍ବାର ଦାବି ଉଠୁଥିଲା । ଏବେ ପ୍ରଜ୍ଞା ପାରମିତା ଥାନା ଦାୟିତ୍ୱ ସମ୍ଭାଳିବା ପରେ ପରିସ୍ଥିତିରେ ସୁଧାର ଆସିବ ବୋଲି ଆଶା କରାଯାଉଛି ।
