ଓଡଗାଁ ବ୍ଲକ, ମନ୍ତ୍ରୀ ଶୁଣିଲେ ଅଭିଯୋଗ, ପରାମର୍ଶ ଦେଲେ ଖୁବ ଶୀଘ୍ର କାମ କର

ଓଡ଼ଗାଁ, (ବାଘୁଆବାର୍ତ୍ତା): ନୟାଗଡ଼ ନିର୍ବାଚନ ମଣ୍ଡଳୀ ଅନ୍ତର୍ଗତ ଓଡଗାଁ ବ୍ଲକର ସୁନାମୁହିଁ ପଞ୍ଚାୟତର ବିଭିନ୍ନ ଗ୍ରାମର ସମୀକ୍ଷା କରିଛନ୍ତି ନୟାଗଡ଼ ବିଧାୟକ ତଥା ରାଜ୍ୟ ସରକାରଙ୍କ କୃଷି ଓ କୃଷକ ସଶକ୍ତି କରଣ, ମତ୍ସ୍ୟ ପ୍ରାଣୀ ସମ୍ପଦ ଓ ଉଚ୍ଚ ଶିକ୍ଷା ମନ୍ତ୍ରୀ ଡ. ଅରୁଣ କୁମାର ସାହୁ । ଉକ୍ତ ପଞ୍ଚାୟତର ଲଡୁପଲ୍ଲୀ, ଲୁଣି, ଲଣ୍ଡାବାଦୁ, ଖଙ୍ଗାରପଲ୍ଲୀ, ସୁନାମୁହିଁ, ବାଲିଛିଞ୍ଚା, ମାଳିଆଝୋଲା, ସାତପଟିଆ ଓ ମାରେଡି ଗ୍ରାମକୁ ପରିଦର୍ଶନ କରିଛନ୍ତି । ଜନସାଧାରଙ୍କ ସମସ୍ତ ସମସ୍ୟା ଉପରେ ଅବଗତ ହୋଇଛନ୍ତି । ସ୍ଥାନୀୟ ନେତୃ ମଣ୍ଡଳୀ କିଭଳି ଭାବେ ସ୍ଥାନୀୟ ଜନ ସାଧାରଣଙ୍କ ସହ ଜଡିତ ଅଛନ୍ତି ଏହାର ମଧ୍ୟ ସମୀକ୍ଷା କରିଛନ୍ତି ମନ୍ତ୍ରୀ । ପ୍ରତ୍ୟେକ ଜନସାଧାରଣ ରାଜ୍ୟ ସରକାରଙ୍କର ସମସ୍ତ ସୁବିଧା ସୁଯୋଗ ପାଇ ପାରିବେ ସେଥିପାଇଁ ମନ୍ତ୍ରୀ ପ୍ରଶାସନ ଅଧିକାରୀ ମାନଙ୍କୁ ପରାମର୍ଶ ଦେଇଛନ୍ତି । ମୁଖ୍ୟମନ୍ତ୍ରୀ ଚାହୁଁଛନ୍ତି ପ୍ରତ୍ୟେକ ବ୍ୟକ୍ତି ସମସ୍ତ ସୁବିଧା ସୁଯୋଗ ପାଆନ୍ତୁ । ଏହାକୁ ଆମେ ଗ୍ରାମାଞ୍ଚଳରେ ସମସ୍ତଙ୍କ ସହଯୋଗରେ ଆସିବା ଉକ୍ତ ସମୀକ୍ଷାରେ ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ, ବିଭୁପ୍ରସାଦ ସାହୁ, ବ୍ଲକର ସହକାରୀ ଯନ୍ତ୍ରୀ ଶରତ ଚନ୍ଦ୍ର ମଲ୍ଲିକ, କନିଷ୍ଠ ଯନ୍ତ୍ରୀ କୃଷ୍ଣଚନ୍ଦ୍ର ଆଚାର୍ଯ୍ୟ, ପିଇଓ ପ୍ରହଲ୍ଲାଦ ପ୍ରଧାନ ଏଥିସହିତ ଗିରିଡିପଲ୍ଲୀ ସମିତି ସଭ୍ୟ ବିଜନ କୁମାର ପାଇକରାୟ ପ୍ରମୁଖ ଯୋଗ ଦେଇଥିଲେ । ସ୍ଥାନୀୟ ସରପଞ୍ଚ ମାନସ ସାହୁ ସମେତ ଯୋଗ ଦେଇଥିଲେ ।