ଓଡ଼ଗାଁ, (ବାଘୁଆବାର୍ତ୍ତା); ଆଜି ଅପରାହ୍ନରେ ଓଡ଼ଗାଁ ବ୍ଲକ କୁରାଳ ପଞ୍ଚାୟତ ନାଉରିଆ ରାସ୍ତାରେ କୁଣ୍ଡା ବୋଝେଇ ପିକଅପ୍ ଗାଡ଼ି ଗଞ୍ଜାମ ପଟୁ ନାଉରିଆ ଦେଇ କୁରାଳ ପଟକୁ ଆସୁଥିଲା । ପଞ୍ଚୁଭୁତି ଗ୍ରାମର ସନ୍ତୋଷ ସାହୁ, ମାଧବ ସାହୁ ଓ ମଞ୍ଜୁଲତା ସାହୁ ଏକ ଟିଭିଏସ ବାଇକରଏେ ହନୁମନ୍ତିଆରୁ ଏକ ସୁଧି କାର୍ଯ୍ୟ ସାରି ନାଉରିଆ ଅଭିମୁଖେ ଯାଉଥିବା ବେଳେ ହନୁମନ୍ତିଆ ନାଉରିଆ ରାସ୍ତାର ବ୍ରିଜ ପାଖରେ ଉଭୟ ଗାଡି ମୁହାଁମୁହିଁ ହୋଇଥିଲା । ବାଇକରେ ଥିବା ୩ଜଣ ଗୁରୁତର ଆହତ ହୋଇଥିବା ବେଳେ ସ୍ଥାନୀୟ ଲୋକଙ୍କ ଦ୍ୱାରା ଏମାନଙ୍କୁ ଓଡ଼ଗାଁ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।ଦୁର୍ଘଟଣା ପରେ ଗାଡି ଛାଡି ପିକଅପ୍ ଡ୍ରାଇଭର ଫେରାର ହୋଇଥିବା ସୂଚନା ମିଳିଛି । ଘଟଣା ସ୍ଥଳରେ ଓଡ଼ଗାଁ ପୋଲିସ ପହଁଚି ଉଭୟ ଗାଡିକୁ ଜବତ କରିବା ସହିତ ଘଟଣାର ଅନୁସନ୍ଧାନ ଚଳାଇଥିବା ଖବର ମିଳିଛି ।
