ଇନ୍ଦୁଭୁଷଣ ହେଲେ ଓଡ଼ଗାଁ ବାର ଆସୋସିଏସନ ସଭାପତି

ନୟାଗଡ଼,(ବାଘୁଆବାର୍ତ୍ତା): ଓଡ଼ଗାଁ ବାର ଆସୋସିଏସନ୍ ସଭାପତି ଭାବେ ଆଜି ଇନ୍ଦୁଭୂଷଣ ମିଶ୍ର ନିର୍ବାଚିତ ହୋଇଛନ୍ତି।ଆଜି ସମସ୍ତ ଆଇନ ଜୀବୀ ମାନେ ନିଜ ନିଜର ମତଦାନ ସାବ୍ୟସ୍ତ କରି ସଭାପତି,ସମ୍ପାଦକ ଚୟନ କରିଛନ୍ତି।ନିର୍ଦ୍ଧାରିତ ତାରିଖ ଏବଂ ସମୟ ଅନୁଯାୟୀ ଆଜି ଓଡ଼ଗାଁ ବାର ଆସୋସିଏସନ୍ ଠାରେ ନିର୍ବାଚନ ପ୍ରକ୍ରିୟା ଆରମ୍ଭ ହୋଇଥିଲା।ବରିଷ୍ଠ ଆଇନଜୀବୀ ଇନ୍ଦୁଭୂଷଣ ମିଶ୍ରଙ୍କୁ ସଭାପତି,ରବି ନାରାୟଣ ବରାଡ଼ ଉପସଭାପତି, ଗୈୖାରହରି ସ୍ବାଇଁ ସଂପାଦକ, ଦିବ୍ୟଜୀବନ ପାଣିଗ୍ରାହୀ ସହ ସଂପାଦକ,ପାଣୁ ଚରଣ ବେହେରା କୋଷାଧ୍ୟକ୍ଷ ଏବଂ ପ୍ରଭାତ କୁମାର ପୃଷ୍ଟି ଉପଦେଷ୍ଟା ଭାବେ ନିର୍ବାଚିତ ହୋଇଛନ୍ତି।ଏହାର ଏକ ଚିଠି ଓଡ଼ିଶା ଷ୍ଟେଟ୍ ବାର କାଉନ୍ସିଲ କଟକ ପଠାଇ ଦିଆଯାଇଛି।ସମସ୍ତ ଆଇନଜୀବୀ ନିର୍ବାଚନରେ ବିପୁଳ ମାତ୍ରାରେ ବିଜୟୀ କରାଇଥିବାରୁ ସମସ୍ତଙ୍କ ସୁବିଧା ଅସୁବିଧାରେ ଠିଆ ହୋଇ ସମସ୍ୟା ସମାଧାନ କରାଯିବ ବୋଲି ସଭାପତି ଶ୍ରୀ ମିଶ୍ର କହିଛନ୍ତି।ଓଡଗାଁ ଅଞ୍ଚଳର ବହୁ ବୁଦ୍ଧିଜୀବି ସଭାପତି ଇନ୍ଦୁଭୁଷଣ ମିଶ୍ର ଓ ସମ୍ପାଦକ ଗୌରହରି ସ୍ବାଇଁକୁ ଶୁଭେଚ୍ଛା ଜଣାଇଛନ୍ତି।