ନୟାଗଡ଼, (ବାଘୁଆ ବାର୍ତ୍ତା): ଓଡ଼ିଶା ଲୋକ ସେବା ଆୟୋଗ ଦ୍ୱାରା ପରିଚାଳିତ ଓଡ଼ିଶା ସିଭିଲ୍ ସର୍ଭିସେସ ପରୀକ୍ଷା-୨ ୦୨୪ର ପରୀକ୍ଷା ଫଳ ପ୍ରକାଶ ପାଇଛି। ରାଜ୍ୟର ବିଭିନ୍ନ ଜିଲ୍ଲାରୁ ୨୦୦ଜଣ ଛାତ୍ର ଛାତ୍ରୀ ଓଡ଼ିଶା ସିଭିଲ୍ ସର୍ଭିସେସ ପରୀକ୍ଷାରେ କୃତକାର୍ଯ୍ୟ ହୋଇଥିବା ଜଣାପଡ଼ିଛି। ଓଡ଼ିଶା ସିଭିଲ୍ ସର୍ଭିସେସ ପରୀକ୍ଷାରେ ବୁବୁନ ସାହୁ ରାଜ୍ୟରେ ଟପ୍ପର ହୋଇଥିବା ବେଳେ ନୟାଗଡ଼ ପୁରୁଣା ସହର ଝିଅ ପ୍ରତୀକ୍ଷା ପ୍ରିୟଦର୍ଶିନୀ ୧୪୫ ରାଙ୍କ ରଖି କୃତକାର୍ଯ୍ୟ ହୋଇଛନ୍ତି। ସେହିପରି ପୁରୀ ବ୍ରହ୍ମଗିରି ଅଞ୍ଚଳର ଝିଅ ଓ ନୟାଗଡ଼ ନୋତ୍ତର ଆଦର୍ଶ ବିଦ୍ୟାଳୟର ଶିକ୍ଷୟିତ୍ରୀ ରାଜଶ୍ରୀ ଜାଲ୍ଲି ୧୬୨ରାଙ୍କ ରଖି କୃତକାର୍ଯ୍ୟ ହୋଇଥିବା ଜଣାପଡ଼ିଛି। ଅପୂର୍ବ ସଫଳତା ପାଇବା ପରେ ପରିବାର ଓ ବିଭିନ୍ନ୍ ମହଲରୁ କୃତକାର୍ଯ୍ୟ ଛାତ୍ର ଛାତ୍ରୀ ମାନଙ୍କ ପାଖକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।
