ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ନୂଆଗାଁ ଥାନା ସୋରଡ଼ା ଗ୍ରାମରେ ପ୍ରେମ ସମ୍ପର୍କକୁ ନେଇ ନାବାଳିକାକୁ ପରିବାର ଲୋକ ହତ୍ୟା କରିବା ଘଟଣା ଧିରେ ଧିରେ ସ୍ପଷ୍ଟ ହେଉଛି । ନାବାଳିକାକୁ ହତ୍ୟା ପରେ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଫିରିଙ୍ଗିଆ ଥାନା ତଳଦଣ୍ଡିକିଆ ପଞ୍ଚାୟତ ଜୋକେ ଗାଁ ନିକଟସ୍ଥ କରଡ଼ା ଜଙ୍ଗଲରେ ପୋତି ଦିଆଯାଇଥିଲା । ନାବାଳିକା ସୋରଡ଼ା ଗ୍ରାମର ବିପ୍ର ନାୟକଙ୍କ ଝିଅକୁ ହତ୍ୟା କରାଯାଇଥିବା ନେଇ ପୁଲିସ ଅବଗତ ହେବା ପରେ ଘଟଣାର ଖୋଳତାଡ଼ କରି ଶବ ଉଦ୍ଧାର କରାଯାଇଥିଲା । ଏହି ଘଟଣାରେ ପୁଲିସ ଗତକାଲି ନାବାଳିକାର ପିଉସା ପତିତପାବନ ପ୍ରଧାନ, ୨ ସମ୍ପର୍କୀୟ ଭାଇ ବିକାଶ କୁମାର ନାୟକ ଏବଂ ଚିନ୍ମୟ ନାୟକକୁ ଗିରଫ କରି କୋର୍ଟ ଚାଲାଣ କରିଛି ।





