ନୟାଗଡ଼,(ବାଘୁଆବାର୍ତ୍ତା): ଭଲ ପାଇଲେ, ବିବାହର ପ୍ରତିଶୃତି ଦେଲେ କିନ୍ତୁ ବିବାହ କରିବାକୁ କହିଲା ବେଳେକୁ ମୁଁ ବାହା ହେବିନି କହି ଏଡ଼ାଇ ଦେଲେ । ସେଥିପାଇଁ ଗାଁ ବସିଲା । ନିଷ୍ପତ୍ତି ହୋଇ ନପାରିବାରୁ ଯୁବକ ଜଣକ ପୋକ୍ସୋ ମାମଲାରେ ଜେଲ ଗଲା । ଜେଲରେ ଅନୁତାପ କରିବା ପରେ ଧୋକା ଦେଇଥିବା ପ୍ରେମିକା ବିବାହ କରିବାକୁ ମନସ୍ଥ କରିଥିଲା । ଯାହାଫଳରେ ଜେଲ ଭିତରେ ଥିଭା ଶୀବ ମନ୍ଦିର ଆଜି ଉଭୟଙ୍କ ବିବାହ ହୋଇଛି । ଏଭଳି ଏକ ଘଟଣା ଘଟିଛି କଟକ ଚୌଦାର ଅଞ୍ଚଳରେ । ମିଳିଥିବା ସୂଚନାନୁସାରେ, କଟକ ସଦରଥାନା ଅନ୍ତର୍ଗତ ସଙ୍କତାରସ ଗାଁର ରବି ଦାସଙ୍କ ଝିଅ ପୂଜା ସେହି ଗ୍ରାମର ନରେଶ ଦାଶଙ୍କ ପୁଅ ନୃସିଂହ ଦାଶକୁ ପ୍ରେମ କରୁଥିଲେ । ଦୁହେଁ ଦୁହିଁଙ୍କୁ ନିବିଡ଼ ଭଲ ପାଉଥିଲେ । ବିବାହ କରିବାର ପ୍ରତିଶୃତ ଦେଇ ଶାରୀରିକ ସଂପର୍କ ମଧ୍ୟ ରଖିଥିଲେ କିନ୍ତୁ କ’ଣ ହେଲା କେଜାଣି ନୃସିଂହ ପୂଜାକୁ ଛାଡି ଅନ୍ୟ ଜଣକୁ ବିବାହ କରିବାକୁ ଯୋଜନା କରୁଥିଲେ । ପୂଜା ଏହା ଶୁଣିବା ପରେ ନୃସିଂହକୁ ଯାଇ ଭେଟିଥିଲା ଏବଂ ତୁରନ୍ତ ବିବାହ କରିବା ପାଇଁ କହିବାରୁ ନୃସିଂହ ରୋକ୍ ଠୋକ୍ ଶୁଣାଇ ଦେଲାଯେ, ମୁଁ ବାହା ହେବିନି କହି ଏଡ଼ାଇ ଦେଇ ଚାଲିଗଲା । ଏକଥାକୁ ନେଇ ଉଭୟଙ୍କ ପରିବାରର କଥା ଯାଇ ଗ୍ରାମ ସଭାରେ ପଡିଲା କିନ୍ତୁ ସମାଧାନର ବାଟ ନଫିଟିବାରୁ ପୂଜାର ପରିବାର ଲୋକ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତିକରି ପୁଲିସ ନୃସିଂହକୁ ୨୦୧୯ ସେସ୍ଟେମ୍ବର ୨୮ତାରିଖରେ ଗିରଫ୍ କରି କୋର୍ଟ ଚାଲାଣ କରିଥିଲା । କୋର୍ଟରେ ଜାମିନ ନାମାଞ୍ଜୁର ହେବାରୁ ନୃସିଂହକୁ ଚୌଦାର ଜେଲକୁ ଯିବାକୁ ପଡିଲା । ଏହି ମାମଲା ସ୍ପେଶାଲ ପେକ୍ସୋ କୋର୍ଟରେ ବିଚାର ଚାଲିଥିଲା । ଏହାରି ଭିତରେ ପୂଜା ନାବାଳିକାରୁ ସାବାଳିକା ହେବା ପରେ ନୃସିଂହ ଜେଲରେ ରହି ଅନୁତାପ କରି ପୂଜାକୁ ବିବାହ କରିବାକୁ ଆଗ୍ରହ ହୋଇଥିଲା । ଉଭୟ ପରିବାର ଲୋକ ଓ ଜେଲର ଉପରିସ୍ଥ ଅଧିକାରୀଙ୍କୁ ଜଣାଇଥିଲେ । କୋର୍ଟଙ୍କ ନିର୍ଦ୍ଦେଶ କ୍ରମେ ଜେଲ କତ୍ତୃପକ୍ଷଙ୍କ ଉପସ୍ଥିତରେ ଦୁଇ ପରିବାର ଓ ବନ୍ଧୁ ବାନ୍ଧବଙ୍କ ଗହଣରେ ପୂଜା ଓ ନୃସିଂହଙ୍କ ବିବାହ ଆଜି ଚୌଦାର ଜେଲ ଭିତରେ ଥିବା ଶିବ ମନ୍ଦିରରେ ବିବାହ ସଂପର୍ଣ୍ଣ ହୋଇଛି ।
