ନୟାଗଡ଼, (ବାଘୁଆବାର୍ତ୍ତା): ଭାରତୀୟ ମଜୁଦର ସଂଘ ଦ୍ୱାରା ପରିଚାଳିତ ନିର୍ମାଣ ଶ୍ରମିକ ମଜୁଦୁର ସଂଘ ତରଫରୁ ଆଜି ୭ ଦଫା ଦାବି ପତ୍ର ଜିଲ୍ଲା ଶ୍ରମ ଅଧିକାରୀଙ୍କ ଜରିଆରେ ମୁଖ୍ୟମନ୍ତ୍ରୀ, ଶ୍ରମ ସଚିବ, ଶ୍ରମ କମିଶନର, କଲ୍ୟାଣ ବୋର୍ଡ଼ର ଅଧ୍ୟକ୍ଷଙ୍କ ନିକଟକୁ ପଠାଯାଇଛି । ନିର୍ମାଣ ଶ୍ରମିକମାନଙ୍କୁ ମାସିକ ୧୫ ଟଙ୍କା ସହାୟତା ରାଶି ପାଇବାରୁ ବଂଚିତ ହୋଇଥିବା ଅନେକ ନିର୍ମାଣ ଶ୍ରମିକ, ଏବଂ ନିଜର ଶ୍ରମ କାର୍ଡ଼ ରିନୁଆଲ କରି ପାରିନଥିବା ଶ୍ରମିକ ମାନଙ୍କୁ ସରକାର ସହାୟତା ପ୍ରଦାନ କରିବା ପାଇଁ ଦାବି ହୋଇଛି । ଏଥିସହିତ ୬୦ବର୍ଷ ହୋଇ ସାରିଥିବା ଶ୍ରମିକମାନଙ୍କୁ ଏହି ସହାୟତା ପ୍ରଦାନ କରାଯାଉନଥିବାରୁ ଦବିପତ୍ରରେ ଅସନ୍ତୋଷ ପ୍ରକାଶ କରାଯିବା ସହ ବୟସ ସୀମାକୁ କୋହଳ କରିବା ପାଇଁ ଦାବି କରାଯାଇଛି । ନୟାଗଡ଼ ଜିଲ୍ଲା ଭାରତୀୟ ମଜଦୁର ସଂଘ ପକ୍ଷରୁ ସୁଶାନ୍ତ କୁମାର ମହାପାତ୍ର, ମମତା ନାୟକ, ରାମଚନ୍ଦ୍ର ଭଟ୍ଟ ପ୍ରମୂଖ ଶ୍ରମ ଅଧିକାରୀଙ୍କୁ ଭେଟି ଦାବି ପତ୍ର ପ୍ରଦାନ କରିଥିବା ଜଣାଯାଇଛି ।
